港區國安法正式在港生效，一眾牛鬼蛇神、漢奸走狗嚇到三魂唔見咗七魄！呢，日前中央火速在港成立駐港維護國家安全公署；銅鑼灣維景酒店已改裝為駐港國安公署臨時辦公大樓。國家安全事務顧問駱惠寧於主持掲牌儀式致詞強調，公署是維護國家安全的重要角色，依法履職及接受監督，既是香港維護國家安全的使者，亦是替全國國家安全把關的守門人，直指香港國家安全不設防時代已經過去！

最好笑的是，被內地官媒炮轟為「禍港四人幫」之一嘅李柱銘，公署臨時辦公大樓揭牌儀式之時，李柱銘就係毒果報撰文，說甚麼「撤銷國安法，還香港自由」。阿哥，唔好以為自己係「藍色貴族」，就可以叻過上帝說「有光就有光」至得㗎！

港區國安法充分體現中央不再「五十年不管」，畀你哋高度自治你哋又唔珍惜，一味反中亂港、一直叫囂要「攬炒」，當年廿三條又當「惡法」，依家國安立法，又話擁護廿三條，要「撥亂反正」要「全國人代撤銷國安法」。

喂！「李」老幾吖？香港國安法第3條規定「中央人民政府對香港特別行政區有關的國家安全事務負有根本責任」。換言之，在維護國家安全呢個問題上，只有「一國」之責，沒有「兩制」之分，中央履行根本責任，而香港則履行憲制責任。咪成日攞鄧小平過橋，又攞陳年舊史中英聯合聲明廢噏冇謂！其實，香港係祖國不可分離嘅一部分，任你司法如何「獨立」，都冇可能凌駕「一國」之上、凌駕於國家憲政之上。

出在大漢奸之口 比粗口更難聽

至於頭號漢奸黎智英，尤其熱衷勾引美爹，公然叫囂「為美國而戰」，擺到明就係判國！虧佢近日仲扮有「良知」，廢噏會成為「社會良知的脊梁」！叛國禍港，做漢奸就要被釘在民族嘅恥辱柱上，仲高叫乜鬼「飛翔吧，良知的脊梁在撐着」，出在判國禍港嘅大漢奸之口，真係比粗口更難聽吖！

港區國安法一出，漢奸黎深知自己玩火自焚，一身官司纏身，佢自己都話唔樂觀，料判囚六個月喎！仲一味話自己唔會離開香港！實情依家回頭已無路，插翼都難飛，點離開喎！講到自己成個正義勇士化身，又話離開點抬起頭做人！反中亂港永遠走在前頭嘅大漢奸，山窮水盡仲覺得自己可以柳暗花明？一身係漢奸基因深植嘅人，會有良知嘅脊梁在撐着？如果咁都得，豆腐都可以起金字塔、建萬里長城咯。

筆者相信牛屎上會長出玫瑰！而長跪嘅秦檜絕不會突變成民族英雄！大漢奸講良知，想七月飛霜，等大家免受熱浪侵襲之苦？信佢半成，你就三世雙目失明！

原圖：無綫新聞截圖、大公報

http://news.takungpao.com/paper/q/2017/0922/3496221.html

http://news.takungpao.com/paper/q/2015/0704/3038913.html?pc

http://news.takungpao.com.hk/hkol/topnews/2017-03/3431487.html