官司纏身嘅壹傳媒創辦人黎智英，被法庭要求交出旅遊證件及不准離境，適逢人大宣布港區國安法出台，反對派陣腳大亂，黎智英更向法庭申請更改保釋條件，想要離港赴美，不過被法官駁回。日前，大公報報道亂港頭目打算「著草」，對此，黎智英對號入坐表現震怒咁講：「我走佬，毀咗我聲譽！」並表示要告人誹謗咁話。

黎智英目前有多項控罪在身，雖獲准保釋，但被法庭要求交出旅遊證件及不准離境作保釋條件。上月28日，全國人大常委表決通過制訂港區國安法，黎智英於本月初就向法庭申請更改保釋條件，想要前赴美國，難免令人聯想到他是否想走佬。日前，《大公報》以《亂港頭目謀「著草」》為題報道，指有亂港分子因港區國安法臨門，打算從水路離境。對此，《蘋果日報》立時出了一段黎智英回應新聞，黎智英表示震怒話「佢哋就想我走佬，如果我走咗，我仲使做人？」，指《大公報》誣蔑，並聲言會告《大公報》誹謗。文中更引述黎智英話「我走佬，毁咗我聲譽，《蘋果日報》亦會被我連累損害咗誠信，連泛民都被我拖累」，似乎佢覺得自己好有聲譽，同埋《蘋果日報》好有誠信，睇完，我係唔係應該笑呢？

黎智英想去美國，都係等好好接受完法庭審訊之後先再諗，有承擔嘅人先至有聲譽，係咪？

原圖：大公報

http://www.takungpao.com/news/232109/2020/0613/462003.html

http://news.takungpao.com/hkol/jsxw/2016-03/3290730.html