香港做咗英國殖民地百幾年,對呢個前宗主國,本來都想尊重吓嘅!只係面係人哋畀,假係自己丟,而家香港已回歸祖國懷抱,英國仲要好似畀人飛咗嘅小毒男咁糾纏不休,事事插手,都咪話唔煩氣。
英國首相約翰遜昨日喺《南華早報》發表文章,話如果中國實行港版國安法,英國就會畀持BNO人士可以免簽證逗留英國12個月,並可享有工作權利,日後可以由此成為英國公民云云。內容同之前外相藍韜文講嘅差不多,舊瓶兼舊酒,冇新意!
前特首梁振英呢頭先串完藍韜文,一個華麗轉身睇到約翰遜嘅文章,當然又要出手啦!CY一招插正英國死穴,指英國於香港問題上,只能掹美國衫尾,並無自己嘅影響力,唯有拎BNO呢張牌出完又出,君不見香港泛民一族,到美國搖尾乞憐,去完又去,但總係唔去搵舊東家呢!咪就係知道舊東家講就無敵,做就無力囉!冇能力,又要出嚟指指點點,真係應咗一句成語,「夜郎自大」!
原圖:無綫新聞截圖、香港電台新聞截圖
投票已截止,多謝支持