港版國安法一出,嚇得反對派和外國勢力震騰騰,證明法例著實有效。反對派的前主人家英國,對香港早已沒話事權,只能找一些事來話吓過口癮,國安法當然成為首席熱門話題。日前,英國外相藍韜文批評,中國實施國安法有違國際義務,仲話會讓持有BNO人士在英國的居留權,由6個月放寬至12個月,並容許申請工作或就學。嘩!皇恩浩蕩到呢!反對派仲唔拿拿聲仆倒過去住12個月睇吓搵唔搵到工?
英國呢番「大恩典」有幾多人受用就唔知,不過佢哋搞埋啲小動作嚟干預中國內政,就係鐵一般嘅事實!前特首梁振英CY對英國行為睇唔過眼,於社交平台上發文,反問係咪要香港中門大開,畀西方國家以香港作基地嚟策反中國,咁先至係中國嘅國際義務?CY仲串爆英國,問佢哋會唔會解散MI5(軍情5處)、(軍情6處),同埋GCHQ(政府通訊總部)呢啲反恐情報部門先?
CY串得好,自己國家就慌死有人入嚟搞搞陣,人哋國家畀你搞就奉旨嘅,公平咩?
原圖:無綫新聞截圖、梁振英Facebook、大公報
https://www.facebook.com/photo.php?fbid=580205072341974&set=a.103421530020333&type=3&theater
http://finance.takungpao.com/dujia/2017-06/3459286.html
投票已截止,多謝支持