長洲覆核王郭卓堅真係好鍾意告人,而且係乜都告一餐!郭卓堅早前因欠逾156萬元訟費而遭入稟破產,冇得用司法覆核嘅郭卓堅日前改由私人檢控,控告警務處處長鄧炳強及公務員事務局局長聶德權公職人員行為失當罪,不過由於證據不足,法院今日內庭聆訊後拒絕受理其申請。
郭卓堅嘅申請書指,一哥鄧炳強及聶德權包庇警隊,指其容許過萬名警員以現金計算超時工作時數,令年度超時加班津貼支出逾25億元,導致不公平現象云,另又提告一哥強縱容下屬執勤時不適當使用暴力,指其違反聯合國人權公約云云。
但裁判官指郭卓堅未能提供相關證人作供,所以屬於證據不足。
另外,郭卓堅早前遭律政司入稟呈請破產,其後郭卓堅入稟高等法院申請司法覆核,指特首及律政司司長曾承諾唔會向貧苦大眾追討訟費,指其違反承諾同《基本法》,而法官今頒下判詞,直指郭卓堅濫用司法程序,故拒絕受理申請。
郭卓堅提告被拒絕受理,因為一哥理直氣壯!
原圖:大公報、星島日報
http://www.takungpao.com.hk/news/232109/2020/0123/409282.html
投票已截止,多謝支持