被視為「美國在香港的代理人」嘅黎智英，近日再次勾結外國勢力！港版國安法出勢出台，當中黎智英下場受關注，早前《東網》更直指黎智英法網難逃（請按此重溫）。而黎智英對於港版國安法嘅來臨明顯好不安，近日竟「跪晒地」咁要求美爹制裁中國！

黎智英周二(26日)以視像方式接受美國霍士新聞訪問，喺訪問中，佢雖然聲稱自己無懼被捕，表示會留喺香港，但又話港人好擔心港版國安法一實施，香港就會失去法治同自由，傳媒會死亡云云，又指出侵侵曾稱會有強烈回應，黎智英表示希望侵侵講得出做得到！

獻計停向華運送高科技產品

然後，黎智英又「獻計」美爹對付中國，指中國現時處於政治及經濟上嘅弱勢，認為美爹應該把握時機與中國對抗，又認為美爹可以動用制裁手段去與中國對抗，獻計包括凍結中方喺美國或全球嘅資金，及停止向中國運送高科技產品等。

黎智英呢個「美國契仔」身份可謂發揮得淋漓盡致，對於黎智英又勾結外國勢力，你有咩想講？

原圖：文匯報

http://news.wenweipo.com/2019/08/11/IN1908110003.htm