為遏止港獨、黑暴，港版國安法一定要立！日前，中央宣布將為香港訂立「港版國安法」，繼美國總統特朗普靠嚇話一旦通過即有強烈回應後（請按此重溫），美國國家安全顧問奧布萊恩都走埋出嚟抽水博見報，佢靠嚇話如果中方實施《港區維護國家安全法》，或會遭美方制裁喎！

奧布萊恩接受美國全國廣播公司訪問，指「港版國安法」一旦通過，中國似乎係基本上接管香港。他又指中方一旦通過「港版國安法」，國務卿蓬佩奧就會無法確認香港仍然維持高度自治，然後可能會對香港及中國實施制裁。

斥華違《中英聯合聲明》

另外，奧布萊恩於同日接受美國哥倫比亞廣播公司訪問時，繼續係咁批評中國，指中方違反《中英聯合聲明》，又斥中方實施「港版國安法」，會睇唔到香港點樣去保持亞洲金融中心地位，稱此為香港嘅悲劇云云！

黑暴肆虐，令到香港經濟受創，市民有街唔敢出，呢啲先係香港嘅悲劇！為香港嘅安寧，「港版國安法」必須立！

原圖：無綫新聞截圖、網絡圖片