美國在總統特朗普帶領下，當正新冠肺炎係「流感」，結果疫情大爆發，死亡人數衝破4萬。美國防疫抗疫一敗塗地，卻賴得就賴，將責任卸落中國身上。美國國務卿蓬佩奧日日亂噏，又批評中國隱瞞病毒人傳人，沒及時向世衞報告。對此，我國外交部再次回應，拆穿美卿謊言：自一月初，中國已向美方定期通報疫情信息。

只係美國扮睇唔到

外交部發言人耿爽昨日在例行記者會中反撃蓬佩奧，強調自疫情以來，中國政府始終本著公開、透明、負責任嘅態度，及時向世衞以及包括美國在內嘅有關國家和地區通報疫情信息，分享病毒基因序列。耿爽強調，中方自1月3日起就開始向美國定期通報信息，美方從中方獲取疫情信息和數據嘅渠道係暢通嘅。

一句講晒，疫情數據同信息全擺喺美國面前，只係美國扮睇唔到！咁都仲有得賴？美國再無恥啲呀！

原圖：無綫新聞截圖