疫情風頭火勢,政府嚴行「限聚令」抗疫,但有人向傳媒爆料,指前晚公民黨立法會議員陳淑莊同黨友林瑞華等40多人,去咗深水埗某酒吧聚會,懷疑佢哋違「限聚令」,又指陳淑莊貌似「半醉」離開。陳淑莊尋晚發聲明,話因為政府宣布酒吧停業,同苦主開會解釋新規例同埋討論翌日記招,並指自己「當時正正就係以立法會議員身份處理市民嘅申訴」,所以獲豁免。
陳淑莊表示,「會議」到凌晨兩點完結,「去到12:00左右有4位警察話有人投訴噪音過嚟了解,了解咗聚會性質都無趕人走,我哋繼續會議」,還加了Hashtag 指「開會唔飲酒」。她又指,在場人士有保持社交距離,清潔做足云云。佢仲打蛇隨棍上,話舉報人「誤解」新規例,認為係政府宣傳不足所致。
大家信唔信陳淑莊嘅辯解?
原圖:星島日報