比話劇更似話劇,卻錯漏百出嘅林子健釘書機事件,昨日終迎來結局。昨日高院駁回上訴,裁定林子健須即時入獄(請按此重溫)。但林子健仍死不悔改,發信致「民主同路人」,話「我本無罪,誓不低頭」喎!
林子健喺信中表示自己得知即時入獄時,係「椎心泣血」,又話自己發夢都諗唔到,原來可以去美國耶魯大學進修,但現時換來鐵窗生涯,然後又強調自己係被誣陷,係冤獄,話自己冇講過大話,之後更抹黑政府及警察,指警察為黑警,將其由原告變被告,又質疑案件由調查到審訊都係處理不公,甚至話見到官官相衛云云。真係睇到小編都眼濕濕呀。
話時話,雖然林子健封信係致「同路人」,但好明顯民主黨都視佢為棄卒,當初陪佢開記招嘅林卓廷仲當唔當林子健係自己友?大家心照啦!
原圖:星島日報
投票已截止,多謝支持