自反修例後，黑惡勢力侵襲香港，黃色文宣四處可見，而黃友近來仲搞咗個叫「香城教育電視」嘅黃色網台，網台嘅用意係為咗繼續將大家洗腦，企圖叫其他人一同搗亂香港，近日，「香城教育電視」發布咗題為「媽咪，點解香港人要報仇嘅？」嘅卡通片，內容涉煽暴及抹黑警隊及政府，片段一出，激起公憤，更有市民發起一人一舉報。
片段中，有一大一小嘅卡通豬，一個係囝囝，一個係媽咪，兩隻卡通豬行經街道，小豬聽到有人嗌「香港人，報仇」，故問媽咪點解要報仇，而媽咪則一通抹黑警隊及政府，指警察都係黑警，又指因為黑警及政府逼害同殺害許多香港人，所以要為佢哋報仇，而小豬更反問，「即係殺返啲黑警呀？」，期後片中又強調成立獨立調查委員會，解散警隊及五大訴投求云云，煽動意味甚濃。
有市民睇到火都嚟，繼而發起投訴，直指片段散播不實訊息、煽動仇恨及鼓勵小孩以暴易暴，呼籲大家齊舉報片段，同時呼籲大家投訴該網台。
黃友不斷利用各種途徑進行洗腦，你認為片段嘅內容失實嗎？你又會響應舉報片段嗎？
原圖：「香城教育電視」片段截圖、星島日報
投票已截止，多謝支持
返回
