昨晚太子站又有人群聚集，警方展開行動拘捕多人（請按此重溫）。期間，立法會議員黃碧雲到現場指指點點，像是指揮官上身般，要求警員呢樣果樣，但句句都被阿Sir串到應！

「我係黃碧雲議員」

就黃碧雲在社交媒體上傳的視頻可見，她闖入警員管制範圍，撻朵「我係黃碧雲議員」，阿Sir回應「咁又點？」係呢，議員又點？唔通佢自以為天王巨星？

之後黃碧雲要求阿Sir「睇住你啲警察」，阿Sir回應「我哋會處理，唔使你煩」。阿Sir要求佢退到管制範圍外，黃碧雲死死地氣退後，然後想攞返個彩，叫阿Sir行開，阿Sir又一句串爆「我哋企邊度唔使你管」；最後冇乜可以講，就話有人受傷，要阿Sir處理，阿Sir冇佢咁好氣，向同僚話「佢想攞收視，唔使理佢」！

句句都串到應一應，最後一句直線KO黃碧雲，阿Sir好嘢！

原圖：黃碧雲Helena Wong Facebook視頻截圖