黃友事事政治化嘅惡果,就係香港人連食啖飯,原來都關政治事。本港日前有第三名警員確診感染新冠肺炎,多次捲入政治風波嘅「黃店」光榮冰室,隨即喺Facebook抽水,說「開心浩園餐做多3日」。有良知嘅人又點會食得落呢碟飯?
光榮冰室所謂「開心浩園餐」,其實喺早前22歲女警傳出初步確診時已經推出,當時光榮冰室更hastag備注「做三日」、「三蛋thx」、「天網恢恢疏而不漏」,被指映射警隊,直至日前再有警員染疫消息傳出,光榮冰室即轉載有關報道,表明「開心浩園餐做多3日」。
浩園乃英靈安息之地,除了警察,更有不同部門的公務員在此安葬,但光榮冰室為針對執法者,竟以浩園抽水,不少網民都大呼無恥,更有留言:「你知唔知浩園仲安葬咗其他公務員,包括謝婉雯醫生?!」對光榮冰室做法明顯不敢苟同!
對於光榮冰室如此侮辱警隊及浩園英烈,大家認為應該如何回應?
原圖:光榮冰室Facebook截圖、點新聞
投票已截止,多謝支持