當今新冠肺炎肆虐，市民外出用餐，除了注重食物美味外，自然更重視食物及環境衛生。尤其依家疫情咁嚴峻，食店除了加強消毒、注意衛生外，而侍應及廚師更要戴口罩。這是基本常識及基本要求吧！

爆二手凍檸茶事件

呢，偏偏壹傳媒黎智英次子黎耀恩喺中環威靈頓街開設嘅茶餐廳「四季常餐」，日前竟爆出「二手凍檸茶」事件。你都咪話唔驚嚇！阿哥，家陣新冠肺炎，可以透過飛沫口水傳播，「二手凍檸茶」？乜話？即係飲唔知乜水嘅口水尾？有冇搞錯？

事緣有食客日前到過該餐廳點了凍檸茶走甜，但飮後發覺「勁甜」，於是請侍應換過另一杯，結果該食客發現侍應拿走該杯凍檸茶將其放入雪櫃內，之後再將杯凍檸茶由雪櫃拿出來，再轉給另一位顧客飲用。食客最終將「二手凍檸茶事件」在網上平台公開。

喂！個客若然未啜嗰杯凍檸茶，又點知杯嘢不但冇走甜仲勁甜吖？通常，啲侍應第一時間應倒咗佢，有乜理由仲擺入雪櫃「循環再用」？好彩嗰位食客睇到啫，否則飲人口水尾，一個唔覺意瀨嘢，都真係無語問蒼天咯！事後大批網民鬧爆呢間係「垃圾肺炎餐廳」，叫佢直頭改名「二手常餐」，斗膽入去幫襯嘅就係「亡命之徒」。

食署亦證實接獲投訴，話會跟進調查喎！筆者相信，經過「二手凍檸茶事件」，臭名遠揚，店名已如太監生癌，唔死都冇乜用咯！

果不其然，日前已經有報道話涉事二手凍檸茶餐廳已經結業。

人無善志，雖勇必傷。這是筆者批評壹傳媒黎智英常用的話，事實上，內地官媒對毒果報的揑造新聞，知之詳矣，除了指它「顛倒黑白、移花接木」，直斥毒果報「這種極盡嘩眾取寵的寫作手法以及集中負面報道原本就容易引起關注，加上其在報道時一直善用「兩分真八分假」的春秋筆法，所以煽動性極強」。

毒果報長期誨淫誨盜

說毒果報善用「兩分真八分假」的所謂「春秋筆法」，那是太客氣了！毒果報長期誨淫誨盜，荼毒青少年，在香港已臭名遠播，口痕友就話：毒果報除了日期是真的，真餘全是假嘅！

壹傳媒台港業務早已大規模萎縮，六年來至少摺咗九本雜誌及報章。究其因，或與公司長期虧損有關。實情係黎智英去到邊衰到邊。台灣資深媒體人張作錦在二〇〇一年已有如此慨嘆：台灣富裕了，但社會似乎缺少「富而好禮」的體現。低俗的電視，聳動的報紙，黃黑的雜誌，都說明精神「向上提升」的困難。現在又有以八卦起家的「港資」進入，還要添幾本「符合台灣市場口味」的刊物。甚麼是「台灣的悲哀」，這才是！

事隔十九年，今台灣《壹週刊》已摺，黎智英已如喪家犬敗走，生於一九三二年，今年八十八歲的張作錦老前輩，都好應該開支香檳慶祝吓！

原圖：「四季常餐」Facebook圖片

https://www.facebook.com/199248384214784/photos/a.201883123951310/223229725149983/?type=3&theater