疫境下見真情,藝人古天樂出名係大善人,因為新冠肺炎關係,香港口罩一個難求,有見及此,「古天樂慈善基金」在全球搜購130萬個外科口罩,將會經由社福機構、自助組織、宗教社區服務中心等,捐畀全港18區有需要嘅人士。
由今日起,基金將陸續分批派送外科口罩到唔同機構,但由於數量有限,基金將優先送贈予弱勢人士,包括殘障及復康人士、低收入家庭、有特殊需要小朋友及其家庭及長者。
另外,近日古天樂投資嘅名廚酒家因疫情暫停營業,不過古仔講明,生意其實未有大影響,但為咗員工同顧客着想,所以先暫停營業,古仔對管理層唯一要求,就係要給員工放有薪假期,更表明不可裁員,古仔表示,「依家經濟咁差,幫得一個得一個,自己能力頂得到,就一定會護住自己啲員工飯碗。」
而除了名廚酒家約40名員工外,古仔其他公司亦盡量安排員工在家工作,減低受感染風險。
善心滿載!古仔唔止係位大善人,同時又係良心僱主,齊齊畀Like古仔!
原圖:古天樂微博圖片
投票已截止,多謝支持