睇HKG報，知道警方正研究引入電槍，以作為日常警務裝備，一眾反對派議員如鄺俊宇、李卓廷無不如喪考妣！睇見都幾好笑！

暴徒裝備都愈來愈先進

反修例風暴衝突逾半年，暴徒裝備都愈來愈先進，自製弓箭、漆彈、射撃鋼珠，甚至擁有氣槍野戰所使用嘅避彈衣；防毒面罩鮮艷精美到唔驚催涙煙，你話如果警方唔提升裝備，不但落後於形勢，更加難有效止暴制亂。

先前警務處已為警務人員加配裝備，包括向休班警務人員發放伸縮警棍，之不過，依家暴徒動輒擲鏹水彈、汽油彈。常備雨傘外，更用木棒長鐵枝又有自製盾牌，休班警一枝伸縮棍想走天涯，似乎唔夠揮啊！吾人不是經常見到有休班警員畀黑衣暴徒「私了」，圍毆到遍體鱗傷嗎？

消息指，電槍嘅威力級别定位，將建議高於警棍，並低於實彈槍。現時，英國、美國、澳洲及新加坡等多個國家或地區，都有採用電槍，根據其中一個美國品牌嘅型號，其嚴重受傷或死亡率為一千三百萬分之一。有反對派議員就話外國有許多事例顯示，警員使用電槍或會令被電撃者心臟病發，甚至死亡。

電槍誘發心臟病係笑話

阿哥，有心臟病咯，如果好似民主黨前主席，人稱「AV仁」嘅何俊仁，經常係iPad 咁𥄫水着女、性感大波妹，講真，不必電撃，若然佢有隱性心臟病，都一樣流鼻血心臟病發猝死啦！所以話擔心電槍射擊而誘發心臟病，根本就係一個笑話！筆者覺得，既然美國貨嘅電槍型號，傷亡率同中六合彩頭獎不遑多讓，呢個「美國標準」，反對派議員冇理由唔接受啫！

警方提升武力，絕對係想更有效止暴而唔係「雪上加霜」！反對派盲反，如果唔係身有屎，使乜咁驚青呢！

美國佬打敗恐怖組織，靠嘅係精良裝備。

嗱！當年美國獵殺恐怖大亨拉登，靠嘅係海豹特種部隊，佢哋嘅裝備精良，世界一流，據講浄係定製版來福槍上加上去嘅消光消音器都過萬美金。

欲善其事   必先利其器

所以話，要止暴，警察豈能不加強裝備，筆者認同並絕對全力支持警察買電槍。工欲善其事 ，必先利其器也。要制亂，唔通用水槍咩！依家唔係玩泰式潑水節！

大家都睇到，黑衣暴徒連水炮車都當冇到！銳武裝甲車照燒，無法無天，令人髪指！所以話，警察加電槍，絕對有必要！

原圖：星島日報

https://std.stheadline.com/instant/articles/detail/1170007/%E5%8D%B3%E6%99%82-%E9%A6%99%E6%B8%AF-%E8%AD%A6%E6%96%B9%E5%91%A8%E6%9C%AB%E6%8B%98%E6%8D%9534%E4%BA%BA-%E6%89%B9%E6%9C%89%E4%BA%BA%E9%BC%93%E5%90%B9%E9%99%A4%E5%A4%95%E5%A4%9C%E8%81%9A%E9%9B%86%E6%90%9E%E4%BA%8B