會考0分、毅進也肥佬的素人區議員陳梓維當選區議員，本來是一段「佳話」。豈料陳議員多次爆出公關災難，至新一屆區議會初次會議剛結束，陳梓維更是「（笑料）爆發」露晒底，被發現不熟書亂問問題、唔識睇文件，因而被嘲冇常識，徹底淪為議會笑柄。

會議中，討論到廟會撥款項目時，陳議員專揀雞毛蒜皮的事問一餐。例如陳議員過問活動傳單3元一張的價錢過高、問85元雜項詳情、質疑桌子及椅子可以重用而唔使買過、盆菜宴有冇用環保餐具，又問主辦方諗唔諗住喺網上宣傳或喺電視落廣告等。據報道，有現場人士聽到陳議員建議在電視落廣告時，忍唔住發出恥笑聲，質疑陳議員「係唔係唔知喺電視台落廣告要幾多錢」，甚至有人好衰咁笑佢「冇基本常識」。

睇文件靠Google Translate

難為黃媒記者追訪咗陳議員成個月，製作咗一段近18分鐘的長片，在首次會議後出街，唔知係咪諗住幫陳議員洗吓底。有趣的是，黃媒《蘋果日報》的報道部分內容相當客觀，例如記者表示：「若然試數區議員應具備的特質：文書處理、語文能力、溝通技巧……這些在陳梓維身上統統看不到。」還大引陳議員的金句：「余德寶個『余』字係咪穿頭㗎？唉，是但啦。」「睇文件方面，我都係靠Google Trans……late繙譯過嚟。」形象化地將陳議員的高水平呈現大家眼前。

未來四年，油尖旺區議會長伴著這麼一位高質議員，為市民大眾帶來幾多好處冇人知，但起碼點都會令你笑吓嘅。

原圖：陳梓維Facebook、余德寶Facebook

https://www.facebook.com/chantszwai1124/videos/500041573961144/    

https://www.facebook.com/YuTakPoANDY/photos/rpp.616177075066304/3347599615257356/?type=3&theater