反修例風波持續五個月,當中有大學生暴動成癮,但竟有部分大學校長一副扮睇唔到嘅姿態,甚至採取姑息嘅態度,新民黨議員葉劉淑儀於Facebook發表文章,狠批部分大學校長尸位素餐,質疑大學校長收取高薪之際,有冇好好履行身為校長嘅本分?
葉太在Facebook貼出關於各大學校長薪酬嘅圖片,發表文章狠批大學校長尸位素餐,葉太指,據傳媒報道,至今已累計有超過七百名大學及大專生被捕,當中被捕學生及非法集結、阻差辦公、暴動、刑事毀壞、縱火及襲警等罪行,情況令人震驚。批評部分大學校長在暴力份子嘅壓力下,竟採取姑息的態度,甚至 協助暴力份子阻止警方進入校園執法。
葉太力撐警方執法,指當警方有合理懷疑下,係可進入任何公共及私人場所而不需搜查令,炮轟校長偏袒暴力學生,行為非常不當。葉太以納稅人身份質問大學校長,喺社會暴力衝突步向臨界邊緣,點解現今嘅大學竟變成暴力嘅溫床?
另外,葉太指出大學校長嘅福利薪酬高得令人咋舌,校長享高薪嘅同時,校園卻走向極端,學生變得激進化、本土化甚至暴力化,以及學術水平亦日漸低落,葉太以此質問呢啲大學校長係咪有好好履行自己嘅本分?
葉太鬧得好!身為教育者,喺學生犯法嘅時候,唔指責嘅同時竟然選擇偏幫學生,呢啲係校長應做嘅事嗎?你認同葉太嘅講法嗎?
原圖:星島日報、葉劉淑儀Facebook
https://www.facebook.com/pg/Regina.ip.fans/photos/?ref=page_internal
投票已截止,多謝支持