黑衣搞三罷禍港，港鐵再度淪為欺凌對象。今早黑衣軍團大肆破壞港鐵車站，更向列車投燃燒彈，向路軌狂掟雜物，完全罔顧乘客安全。為保障乘客及員工安全，部分車站需要關閉。港鐵發言人表示，港鐵對黑衣行徑十分憤慨，已經就事件報警，話明要追究責任！
黑衣今朝惡行多罊竹難書。隨便一數，粉嶺站附近行駛中嘅列車被人投擲雜物，兩列列車車頭擋風玻璃損毀；有兩列列車於上水站撞到水馬；大學站列車撞到被人投擲於路軌上嘅單車。港鐵發言人表示，多個車站分別被暴徒投擲燃燒彈或者縱火，危害鐵路運作安全，被投擲燃燒彈或者縱火包括東涌站、馬鞍山綫恆安站，葵芳站一列車車廂更被人投擲兩個燃燒彈等。
港鐵對此非常憤慨，予以嚴厲讉責，批評黑衣行為已對乘客、港鐵員工及鐵路設施嘅安全已構成十分嚴重嘅威脅，絕不容忍。港鐵表明已就事件報警，並會追究涉事人士嘅責任。
黑衣行為愈來愈可怕，支持港鐵追究到底！
原圖：港鐵圖片
投票已截止，多謝支持
返回
