職業訓練局青年學院十五歲女學生陳彥霖死亡一事，引起外界關注，當中黑衣人關注程度非常，無綫新聞昨日播出陳彥霖母親何女士的受訪片段，何女士於鏡頭前澄清女兒係自殺非被殺（請按此重溫），更籲勿胡亂猜測，希望外界可以放過佢哋一家人。

何女士在節目中展示陳彥霖嘅出世紙，證實自己為陳彥霖母親，解釋接受訪問嘅原因係因為想澄清事件，表示「佢(陳彥霖)係自殺唔係被殺。」何女士指自己一直有同警方跟進事件，已經睇過所有閉路電視片段，並從片段見到陳彥霖神情有異。何女士指女兒從8月起，至少有2次講過有男聲喺耳邊徘徊，懷疑女兒受思覺失調困擾，指女兒說過「有一把男人聲叫我咁做，嗰把男人聲經常同我講嘢令我瞓唔到」，透露女兒因而好辛苦，更表示女兒稱不想再返女童院，覺得好恐佈，但指醫生認為陳彥霖只係反叛而非情緒有問題。

指女兒覺示威變質

何女士指女兒8月到塘福懲教所探望男友後情緒失控，之後又拒絕付的士車費，並踢到場處理嘅女警，但何女士不認同女兒嘅死同反修例示威有關，更指女兒在7月時已跟她表示不想再參與示威，因為覺得已經變咗質。對於網上稱8月有人見陳彥霖中催淚彈，何女士解釋女兒當時係去尖沙咀買嘢，而非走到前線示威而中催淚彈。

何女士明白網上有人關心陳彥霖，但她本人卻因而受到滋擾，被網民起底其工作地點及電話等，曾經有電話半夜三更來滋擾佢，何女士更指自己為此提心吊膽，表示自己已經失去女兒，希望網民唔好咁殘忍。

希望事件盡快平息

最後，何女士希望事件盡快平息，指不需要網民去為女兒沉冤得雪，表示自己一家人失去女兒已經夠慘，懇求外界唔好再胡亂推猜，放過佢哋一家人，讓她女兒得到安息，又指女兒生前就最怕人煩同吵，外界日日爭吵，相信女兒在天之靈亦會覺得好困擾。

請勿二次傷害死者家屬！外界對陳彥霖死亡推測多多，更有人為此打擾陳彥霖母親，現時陳彥霖母親現身講解，希望可令外界一埋不斷質疑嘅人停落嚟，還佢哋寧靜。

原圖：無綫新聞截圖、網絡圖片