早前有消息指大律師公會副主席蔡維邦資深大律師已辭去公會所有職務，皆因大律師公會內部有人認為不應只針對警方漠視示威者暴力行為（請按此重溫）。蔡維邦於《南華早報》撰文解釋，批評大律師公會可恥地沉默，又表示辭任係因為與公會執委會大部分成員對暴徒違法行為嘅立場有重大分歧。

持續動盪 不會達民主

黑衣人屢屢肆虐，香港混亂未止！蔡維邦於《南華早報》發表題為＜Hong Kong Bar Association has been shamefully silent on protester violence and those who support it＞嘅文章，指大律師公會對黑衣嘅暴力及其支持者「可恥地沉默」，文中更表示，最近幾個月好多年輕人已經拋棄理智，轉而訴諸野蠻嘅破壞行為，當中包括燒銀行、破壞商舖、港鐵等，蔡維邦指出黑衣嘅暴力行為已經遠超法律訂明嘅界線。蔡維邦又根據自己嘅執業經驗指出，將刑事行為浪漫化係毫無價值。至於黑衣人指所謂「抗爭」是為爭取民主，蔡則指出冇任何人會期望持續嘅社會動盪會帶嚟真正嘅民主。

公會見暴行 保持沉默

蔡維邦認為公會應該要強調表明，不認同造成社會不穩定嘅罪犯，同埋為佢哋開脫嘅人，但公會大部分卻保持沉默，蔡維邦因眼見自己同公會分歧增加，所以辭任副主席。

倘大律師公會自詡為公義發聲，就請嚴厲譴責黑衣人的惡行。立場還是是非先行，請公會以行動來證明！

原圖：星島日報、大公報

http://std.stheadline.com/instant/articles/detail/1110893/%E5%8D%B3%E6%99%82-%E9%A6%99%E6%B8%AF-%E7%AB%8B%E5%A0%B4%E5%AD%98%E5%88%86%E6%AD%A7-%E8%94%A1%E7%B6%AD%E9%82%A6%E5%8E%BB%E4%BF%A1%E6%88%B4%E5%95%9F%E6%80%9D%E8%BE%AD%E5%8E%BB%E5%A4%A7%E5%BE%8B%E5%B8%AB%E5%85%AC%E6%9C%83%E8%81%B7%E5%8B%99

http://www.takungpao.com.hk/news/232109/2019/1011/359876.html