早前浸大「廣播新聞網」學生記者蘇敬華因涉嫌「藏有攻擊性武器」被捕，事後逾百名浸大學生喺校內遊行，為見校長錢大康甚至辱罵師長及爆校長室門，情況非常混亂，而錢大康未有即時回應，話要追究都慢半拍（請按此重溫）。《頭條日報》專欄作家黃麗君為此鬧爆錢大康反應慢，直斥錢大康嘅反應如向暴力低頭，只會禍延學校。

黃麗君於《頭條日報》內撰文，題為〈錢大康還能當校長嗎？〉。內文先怒轟浸大搞事學生，指其將街上暴力抗爭嘅手段於浸大校園重演，質疑浸大點解會容忍呢啲粗暴卑劣之徒為學生，又稱錢大康要等成一天半才表達追究，斥其慢動作只會助長學生嘅氣燄，令搞事嘅學生得寸進尺。

要求錢從速行事

黃麗君狠批錢大康身為大學校長，其反應如向暴力低頭，表示錢大康既然講咗要展開紀律程序，要求錢大康從速行事，唔好繼續行拖字訣。最後，黃麗君指若錢大康唔盡快同嚴肅處理事件，就係向暴力屈服，反問錢大康仲有冇資格做大學校長、佔教育界一席位？

希望錢大康盡快行動，而且必須揸正處理！

原圖：大公報圖片、港台新聞截圖

http://www.takungpao.com.hk/news/232109/2019/0917/349547.html