反修例事件愈演愈烈,又有黃師強行將自己嘅立場同思想施加於學生身上,呢種人配咩做老師?近日網上瘋傳九龍塘宣道小學一名老師嘅一張題為「不能逾越的紅線」嘅工作紙,內容包括四條問題都與「言論自由」和「港獨」相關,鬼祟向稚童煽獨!
此份工作紙的答題者為小五學生,學生要先睇香港電台去年九月播出訪問陳浩天鼓吹「港獨」嘅內容,之後再答同「港獨」及「沒有了言論自由後果」等問題,老師疑似怕家長會發現,更不准學生帶教材返屋企,事件被揭發後,校方急急腳向家長公開有關課程綱「補鑊」。
據《大公報》查詢後,宣道小學校長李關美梅承認,有關題目由生活教育課老師於本年三月所出,不過校長話學生有一定嘅時事分析能力,可以明辨是非云云,又指老師有話畀學生知,《基本法》有保障港人言論自由,不必走到「獨立」呢一步,不過喺題目中,反映唔到有關情況,而李關美梅表示有關「港獨」嘅題目唔會再出現喺今年課程中,亦主張學校立場中立,唔支持港獨。
向稚童煽獨,枉為人師!愈嚟愈多黃教師出現,為人師表係應該保持中立,而唔係教壞學生,大家有咩想講?
原圖:九龍塘宣道小學、網絡圖片
投票已截止,多謝支持