黑衣為反修例不斷指鹿為馬，瘋狂搵位玩老屈，近日網上有傳「太子站死人」講到有咁誇張得咁誇張，星島新聞集團主席何柱國撰文斥傳言子虛烏有，以「謊言說多幾次就會成為真理」嚟嘲諷黑衣，更恥笑指「妙在有人相信」。

何柱國撰文題為〈「太子站死人」事件 大話講多幾次就變成真理〉，文章指黑衣近來藉「警方8月31日在港鐵太子站內執法致四人死亡」傳言而瘋狂破壞港鐵站，何柱國在文中質疑，「死了人？四個咁多？（更有人說六個）傳到有名有姓，又話站內燒屍，又話運去上水掟落街扮自殺。總之千奇百怪，想像力極之豐富，難得係有人相信，而且為數不少」。

謠言成為違法擾民源頭

何柱國指現時傳言愈吹愈大，而謠言已成為違法擾民嘅源頭，斥有人指黑為白，講到煞有介事，何柱國反問，「如果真的有死人，為甚麼至今沒有人出來報案？沒有死者家屬出面指控？沒有反對派議員出來吭一聲？莫非他們都成了政府的合作夥伴，自願滅聲？」

何柱國更在文中指太子站打死人嘅指控係荒誕無稽，唔合常理，最後呼籲大家要運用自己嘅分析能力，搵正規傳統傳媒嘅可靠消息來源，核對事實，唔好再畀假新聞愚弄啦。

傳聞之所謂叫傳聞，係因為有吹水嘅成份在，不過事實勝於雄辯，假的永遠不會成真，不過總有黃友願意相信，大家點睇？

原圖：無綫新聞截圖