嚟緊9月係開學嘅日子，但班搞事友搞完罷工後，現時仲話要搞埋罷課，誓要迫政府跪低！10間大專院校學生會計劃於9月2日起發起連續兩周「罷課不罷學」嘅行動，以粗口辱警阻執法嘅「城大粗口女」邵嵐(請按此重溫)，更靠嚇政府話有後著。
邵嵐今早現身電台節目時，講到反修例已經持續咗兩個月，凝聚咗一定嘅民意，相信大部分學生都會響應參與罷課喎，仲強調今次係「罷課不罷學」云云！
邵嵐又指市民用咗好多抗爭手法，但政府仍忽視訴求，所以籌備罷課，迫政府喺限期內回應，仲指出會收集同學意見，了解政府未有回應下將會有嘅後續行動，包括無限期罷課、全港三罷等等。簡單而言，就係要威迫政府，否則就繼續搞亂檔。
究竟係要政府回應，定係迫答應訴求，大家從黃友行動就可見一斑！你認為政府又應該點處理？
原圖：文匯報、大公報
http://www.takungpao.com.hk/news/232109/2019/0730/327828.html
http://paper.wenweipo.com/2019/07/24/HK1907240001.htm
返回
