英領館港職員鄭文傑（Simon Cheng）因為違法，被行政拘留15日，事後不止泛民衝出嚟抽水，英外交部更表示關注事件，而最後鄭文傑原來係衰嫖妓而喺深圳被拘(請按此重溫)。消息傳出後，網民齊齊恥笑，但黃友集體炒車仲死撐到底，仲反咬內地老屈鄭文傑。

鄭文傑於8月9日因違反《治安管理處罰法》第66條規定被行政拘留15日，事後經由《環時》證實，鄭文傑的確因嫖妓被拘，他更主動請求公安唔好話畀佢屋企人知。同鄭係朋友嘅前學聯常委張秀賢就喺Facebook留言，話同鄭識好耐，表示會捍衞佢嘅清白同人格云云，更指鄭係被屈叫雞，亂斥《環時》同公安屈打成招、人格謀殺喎！香港資深時事評論員劉銳紹同樣話事件令人產生疑問。

《環時》批英抹黑內地

對於黃友亂噏廿四，《環時》反擊鄭文傑非名人、非好活躍嘅抗議人士，仲經常嚟深圳，內地警方無必要「搞」佢。《環時》更炮轟英國外交部等人高調炒作事件，其目的係想同香港目前局勢聯繫起來，抹黑內地司法體系。

凡涉中國司法，黃友必批評、質疑。只問一句，是否黃友就一定不會犯法？所謂人格證明，又可以做證據嗎？

原圖：大公報

http://www.takungpao.com.hk/news/232109/2019/0823/339744.html