港台黃大家都知,喺「反修例」一事更是特別明顯,吓吓盲護暴徒。近日有資深傳媒人組織怒轟港台記者,指港台似以立場先行,甚至打斷警方發言,要求廣播處長正視問題,更稱如果再如此下去,「香港電台今日愧對市民,明天將愧對歷史」。
香港資深傳媒人員聯誼會昨日向廣播處長梁家榮發出公開信,信中批評一啲新聞從業員忘記自己嘅使命,喺報道新聞時拋棄事實,只根據自己立場選擇性報道,甚至扭曲事實,信中更點名提到香港電台,「這些從業員也包括香港電台的一些記者和編輯」。
信中批評,香港電台回歸後立論偏頗,黃到係人都知,但可恨一直未有改善,反而愈嚟愈離譜。信中又指,香港電台在「反修例」及「暴亂」中歪風尤烈,不但對暴亂選擇性報道、為反中亂港嘅黃友提供煽惑市民嘅平台,甚至有港台記者聯同暴徒欺凌立場唔同嘅同行。
另外,聯會更以港台出席警方記者會其一名女記者(利君雅)粗暴打斷副警務處長鄧炳強發言等做例,轟港台記者態度極端無禮,完全站在暴徒那邊,直斥此舉動欠道德操守,甚至連對人嘅基本尊重亦欠奉。
公開信強烈要求廣播處長正視問題,敦促屬下員工,毋忘傳媒人應秉持公正立場,全面報道事實真相的原則,最後希望梁家榮為此事作出回應!
鬧得好,支持!港台拎住公帑作惡已經唔係第一日嘅事,如果任由港台再咁落去,社會只會愈加混亂,身為媒體應該將真相報道出嚟,你又點睇?
原圖:大公報、香港電台片段截圖
http://www.takungpao.com.hk/news/232109/2018/1129/212620.html
投票已截止,多謝支持