香港近排真係撞邪！好好一個東方之珠，搞到日日硝煙彌漫，催淚彈橫飛，黑衣曱甴神出鬼沒，到處游竄，阻街堵車，搬鐵馬雜物堵塞隧道，叫司機不用繳費直過隧道，話係「政府請」；又飛身過港鐵閘機唔購票，甚至破壞閘門、射水大堂，惡行疊疊，搞到神憎鬼厭！明明擾民兼阻人揾食，而班黑衣曱甴大聲叫囂，話自己係為香港未來！
衰世多妖言邪行！更多異象怪行！不是嗎？全球八宗人類感染大鼠戊型肝炎個案，香港獨佔其七，你都咪話唔誇張！其他如蚊患，都十分兇猛！
古代的那些災年，就話會給予當時之天子許多徵兆，譬如話忽然蝗蟲蔽天，又如貓不食鼠。呢，《三國演義》甫開頭就寫到漢靈帝時，宮中出現神秘大蛇，與之相伴的，仲有冰雹、地震、洪水等災難，搞到民不聊生！
回到而家嘅香港，如水嘅曱甴日日出來衝激警察，放火投燃燒彈，有警察雙腳被燒傷，搞到香港成為「暴亂之城」，二十多國對香港發出旅遊警示，當香港仲亂過敍利亞！有啲孕婦甚至話，係咁嘅亂世，連自己都保護唔到自己，更加唔好話保障小生命嘅安全，早知唔生啦！阿哥，香港仲唔係步入衰世又係乜呢？
一個衰世，不單止貓不食老鼠；反之老鼠仲惡過貓，大家有眼見，一個二個大學校長，薪高又地位尊崇，誰知如今同啲學生對話，多數變得言不由衷，鬼咩！學生只識凶校長，校長只能「言不及義」，求求其其答幾句「阿媽係女人」嘅套話，又或者顧左右而言他，但求甩身「潔身自愛」就阿彌吉蒂！亂世文教不興，仁義道德退位，良可悲也。
一個衰世，凶兆必多，啲黑衣曱甴失驚無神湧現，隻隻神打上身，義可拳附體，「X你老母」穿梭於激光雷射，搞到香港亂過春秋戰國！悲壯過世界大戰！香港經濟有乜辦法唔面臨海嘯？
一個衰世，特別多古靈精怪，挨近鬼節，竟有駕駛平治房車嘅中年漢，到加油站入油後用陰司紙找數！
至於月黑殺人地，風高放火天，亦古惑仔撕殺講數常見的撕殺環境！家陣鬼節未來，示威者竟在黃大仙紀律部隊宿舍搞「全港超幽佈施祈福除惡晚會」，明明是曱甴卻扮男燒衣：聞得妹你話死咯，我實在見悲傷⋯⋯哎呀！吊頸咪咁早！
香港一時間又變「鬼域之城」，你話香港可以經得幾許如此折騰？
一個衰世，真係好多嘢你估佢唔到，好似銀髪族唔係在家含飴弄孫？小朋友又被父母迫出來「守護自己」，女人著短裙又出去示威，心急如焚成咁，完全令人難以想像，這世界竟荒謬到令人失笑！香港邁向失控！政府唔該攞出真本領，唔好齋噏廢話好唔好！司長們唔好只識做鍵盤戰士！再咁催涙彈放不完，真係蛇蟲鼠蟻都頂唔順話要移民！
原圖：文匯報
http://paper.wenweipo.com/2019/07/29/YO1907290005.htm
投票已截止，多謝支持
返回
