區議員更加要守法﹗民主黨觀塘區議員莫建成日前在觀塘警署外被警方以涉非法集結拘捕，民主黨昨日開記者會交代事件。當中莫建成憶述事件時指，他當時曾撻朵表示自己是議員，警員回應他指「議員又點？」無錯喎，議員又點？可以犯事？

見到警察即跑

自簽擔保的莫建成在記者會嘗試解釋當日行為，指自己收到很多居民求助，所以就前往現場協助救援及做支援。本來就好地地，點知當警察衝向人群，暴民四散時，佢自己又跟住跑，最後就畀一個防暴警察捉住。

莫建成指自己當時撻朵自己是議員，對方反問他「議員又點？」，然後要求他下跪。他批評警方拘捕他時的做法十分羞辱。

類似撻朵議員然後被警員一句KO嘅仲有區議員黃學禮（請按此重溫）。小編只有一個問題想問莫建成，如果佢只係好地地做議員工作協調，點知見到警察要跑走？好似浸大學生會會長方仲賢，有人拍佢膊頭就驚到死，好難唔令人覺得可疑喎﹗

原圖：香港大學學生會學苑即時新聞 Facebook Page、莫建成 Facebook Page

https://www.facebook.com/watch/?v=334544010825892

https://www.facebook.com/%E8%8E%AB%E5%BB%BA%E6%88%90-893627454077897/