我的朋友是位母親， 以下是她和兒子的對白︰
7月29日淩晨， 朋友的15歲兒子臉色蒼白地回家， 脫下一身黑衣，哆嗦地叫醒朋友，要朋友煮碗麵給他吃。
朋友把麵煮好，還沖了一杯熱茶給兒子壓驚，兒子一面吃一面哭著說︰
「班差佬黐線㗎，今次唔係驅散，而係不斷拉人，好似話拉了超過 50 人。」
朋友︰「你話要爭取公義，去同警察打，咁但你有冇見到李大狀個仔一齊去？」
兒子︰「群組內冇人提過。佢唔去啫，我哋去。香港要靠我們光復，要靠我們守護。」
朋友︰「咁李卓人個女是狀元，你又有冇聽到佢個女一齊同你地去光復？」
兒子︰「冇。但佢哋唔做，總要有人去做。我係為咗我們後生的前途。香港就嚟冇喇！」
朋友︰「點解這些頭頭的仔女都唔做，要你去做呢？佢地嘅前途係前途，你嘅前途就唔算前途？毛孟靜7月1日嗰日不是對住鏡頭說：『暴動罪，坐十年㗎』？」
兒子︰「我聽群組朋友講，班差佬真係癲到想告我地暴動罪！離晒大譜！」
朋友︰「阿仔，暴動罪，真係坐十年。梁天琦坐緊，佢坐6年。真係拉到你，告你暴動罪，咁點算。你唔係想去外國讀書，將來做個仲勁過戴耀廷的法律教授咩，有暴動罪案底，隨時去唔到？」
兒子︰「佢都坐緊喇，我點可以自己撇？」
朋友︰「戴耀廷嘅仔女有冇去佔中？佢嘅仔女今晚有冇去同警察打過？」
兒子︰「冇聽過。但係我係愛護香港這個家，普選係我哋應得嘅。林鄭個八婆應該立即下台！」
朋友︰「你去衝，同警察打，就可以有普選？你去衝，同警察打，林太聽日就會下台？」
兒子︰「唔打點知冇？」
朋友︰「咁你由6月12日衝立法會， 到7月1日衝埋入去，今晚又在上環同警察打，除咗你一身傷㾗， 同埋有機會被控暴動罪，你爭取到一點普選機會未？你爭取到林太下台的苖頭未？」
兒子︰「許智峯議員今晚都出晒離，幫我哋。只要堅持，總會成功。」
朋友︰「咁許智峯都有女兒，有帶埋出來幫手？香港的明天，佢個女都有份。」
兒子︰「妳識乜嘢，佢個女仲細！」
朋友︰「細成點？許議員個女細到唔可以遞水遞毛巾畀你哋？」
兒子︰「總之我地生於亂世，就有種責任。」
朋友︰「甚麼亂世，甚麼責任？你冇書讀？你冇飯食？你冇錢打機？你冇錢識女仔？你有冇睇過烏克蘭，2014年烏克蘭便好似今日的香港，今日點？烏克蘭的女仔， 只恨嫁給大陸人，因為烏克蘭女仔靚但國家窮，而大陸人有錢。」
兒子︰「我最痛恨便是『大陸喱』，呃晒我地香港人嘅錢。」
朋友︰「點呃？你的零用錢有少到？你朋友的零用錢有少到？你阿媽我份人工有少到？」
兒子︰「總之班friend吹雞，我唔去，好樣衰！」
朋友︰「衰得過你要坐十年﹗最衰係你同梁天琦一齊衰暴動罪，但係唔會係同李大狀個仔一齊坐，人哋個仔做緊百億女婿，佢老婆屋企就真係賺你阿媽我嘅面膜錢﹗」
兒子︰「我想瞓，唔同你講。」說完便放下還有湯水但冇麵的碗，抺抺嘴返房。
朋友只能說︰「唔擦牙瞓會爛牙㗎！補牙好貴㗎！」
說罷只能執拾枱面，眼中淚水奪眶而出。
原圖︰文匯報
http://paper.wenweipo.com/2019/05/09/YO1905090001.htm
http://news.wenweipo.com/2019/07/29/IN1907290021.htm
投票已截止，多謝支持
返回
