我想同大家分享我昨天的經歷。

昨晚我負責處理兩個上環被捕者的搜屋工作，我起初以為佢父母一定係盲撐他們，因此以步步小心的態度上去處理。但我見到的其中一個家庭，是一個母親聲淚俱下同我講「唔好意思阿Sir，辛苦哂」，之後母親同個被捕者講「你令到我好痛心，你知唔知自己咩前途都無晒」。

跟住父親再同被捕者講：「你被人利用你知唔知，你有無見過李柱銘個仔出來示威呀」，之後再向我講：「阿Sir，呢排你們辛苦晒，我們真心支持你」。我之後向佢出示搜查令，佢立即講「我們行得正企得正，你們隨便搜」。當我同事與被捕人進行搜屋期間，佢主動同我談對香港未來睇法，佢同意現在香港已經被一班政棍及教育界以洗腦式煽惑，更開始對香港未來失去信心⋯⋯亦準備將來移居中國居住。

我們不能退亦不能避

搜屋完畢後，被捕人問父親阿嫲知唔知佢被捕，佢父親就回應：「你阿嫲80歳啦，梗係唔可以俾佢知」。呢刻連被補人都開始哭起來……嗰刻，我都差點忍不住。

香港人不是盲的。我分享唔係想講呢班人唔應該受法律制裁，相反我贊成任何人應該要對佢行為負責。不過我只希望我們有幸前線面對佢哋執法時，千萬不要有仇恨之心，儘管一次又一次見到同事受傷……呢一場係社會病毒，我們現在最重要不是要改變已被煽惑的人，而是以平常心拯救未被煽惑的人，從來最應該制裁的係背後煽惑而不用負責任的人⋯⋯所以多餘受情緒影響行為只會令呢班發放病毒人仕繼續荼毒社會。

昨晚親身經歷真的好大感觸，為著社會正確價值觀，我們不能退，亦不能避。因為我們現在除了係守護法冶的最後一條底線外，亦間接是守護社會道德的最後一道防線。

原圖：無綫新聞截圖