周日沙田流血衝突，新城市廣場被指有職員為警員引路平亂，令黃民玻璃心碎了一地，連續兩日糾眾到商場包圍職員詢問處，更擅自把詢問處改裝成所謂「連儂牆」，令商戶大受影響。昨晚藝人鄭家生途經廣場，恰巧碰見黃友又再搞事，無懼暴民人多勢眾，單拖向黃友們挑機，鬧爆佢哋「搞到香港亂晒」！
鄭家生不平則鳴！他昨晚八時許途經新城市廣場詢問處附近，見到有商場保安被一眾黃民包圍，忍唔住與一眾黃友理論，並反問「啲人有無腦」、「保安點會唔畀警察入嚟」，霸氣抽擊在場黃友！有人惡形惡相，不斷趨前疑似想靠嚇，鄭家生寸步不讓並一句KO：「我有我講，你有你講，做咩啫？」
鄭家生其後接受《香港01》電話訪問，指當時喺商場見到有人竟然不斷叫商舖落閘，「當自己指揮官啊？人哋唔使做生意咩！」又鬧爆黃友恃住人多就圍人，係「靠惡」兼「唔講道理」。鄭家生續指，如果香港繼續亂落去遲早會散，「美國佬咪開心囉」。
面對黃友人多勢眾，鄭家生依然無懼挑機，有吉士！呢班黃色生物以為恃住人多就可以四圍生事，好彩香港仲有好似鄭家生呢種有膽色嘅正氣藝人，夠膽直斥其非，抵畀Like啦！
原圖：網絡片段截圖
投票已截止，多謝支持
返回
