英籍正氣哥串爆暴徒、反對派!視香港為家嘅英籍港人Peter Bentley接受《大公報》專訪時,表示眼見香港被毀,感到非常心痛,更為此炮轟暴徒係癲狗,更稱辱警助暴嘅反對派議員應該受刑責入獄,講得好!
Peter來自英國,喺1981年移居香港,任職香港生產力促進局嘅工業部分區項目經理,香港回歸前一年,1996年時佢獲聘喺內地嘅外資企業從事銷售半導體等高科技設備,直至2013年退休。Peter居港近40年,大半生都係內地同香港兩邊走,係一位熟悉中國國情嘅外籍「香港通」。
Peter Bentley近日接受《大公報》專訪,表示7月1日有親眼目睹暴徒暴力佔領立法會,後一日更因擔憂立會情況,為此返回現場,當見到立法大樓被佔領完搞到亂晒籠時,Peter表示好傷心。
眼見暴徒搗亂香港家園、反對派辱警助暴及黃媒唔報真相一事, Peter痛心疾首,更狠斥係咁講香港壞話嘅彭定康係一條滑溜溜邪惡的蛇(Patten is like a slithery evil snake)。Peter表示自己係一位愛中國、愛香港之人,佢表示自己係希望餘生老死喺香港嘅普通人,講嘅都係真心說話,對於近日暴徒橫行,Peter憤而反問:「示威者包圍屯門公園嘅跳舞者、佔領旺角,呢啲同爭取民主有關係?」直指香港年輕人完全錯誤理解咩叫民主。
Peter指西方媒體同香港媒體長期報道偏頗,甚至反華稱中國係邪惡國家。但事實上,Peter見到嘅中國,係自由嘅地方。更指示威者根本唔知西方國家嘅真正模樣,斥香港嘅年輕示威者都係活喺自己所想像嘅西方民主幻影中,而實情同佢哋想像根本唔同。Peter又串爆示威者戀殖,見到有示威者揮動英國國旗、反對派不斷勾結外國勢力,Peter直指佢哋係「腦殘」。
Peter更勸勉香港年輕人唔好活喺幻想中嘅西方國度,應該返內地認識中國,咁先唔會被政客消費及被網上片面資訊所誤導。
鬧得好!香港本是天堂,但因為班暴徒同反對派,搞到香港美好不再!辱警助暴嘅議員理應坐監!你贊成嗎?
原圖:大公報、區諾軒Facebook、譚文豪Facebook
http://www.takungpao.com.hk/news/232109/2019/0711/317505.html
https://www.facebook.com/nokhinau/
https://www.facebook.com/jeremytammanho/photos/a.858425334219950/1266948973367582/?type=1&theater
投票已截止,多謝支持