香港被班反修例暴民搞到混亂之際，英國仲嚟踩多腳，英外相侯俊偉（Jeremy Hunt）插口香港修逃犯例之事，日前發噏瘋地咁話，係自由讓香港變得特別。外交部為此狠批侯俊偉所涉嘅香港言論係自作多情，指其仍沉浸在殖民者的幻象。更質問侯俊偉︰「港殖民時期有民主可言？」串得應！

英國一直活於幻想中，成日仲以為香港嘅佢，但香港是國一部分，呢個係不變的事實！正競選英國保守黨黨魁侯俊偉眼見香港依家立立亂，竟再加把嘴話喺對香港有關自由嘅承諾上，英國唔會妥協，又話係自由讓香港變得特別，呢個係喺1984年《中英聯合聲明》中獲得保證云云。他早前仲喺Twitter大放厥詞，話英國對香港以及其自由的支持是堅定不移喎，擺明有心添煩添亂。另外，侯俊偉仲警告中國，話鎮壓唔係解決危機的方法喎。

英對港再無治權監督權

對此，外交部發言人耿爽狠批侯俊偉嘅相關言論，表示中國對侯俊偉嘅相關言論表示強烈不滿同堅決反對，更再次告誡有關國家謹言慎行。

耿爽斥其仲沉浸喺昔日英國殖民者嘅幻象當中，而且仲執迷於居高臨下，更斥其對他國事務指手畫腳嘅惡習當中，仍不知悔改，繼續信口雌黃。耿爽表示，英方對回歸後嘅香港一無主權、二無治權、三無監督權，根本唔存在任何所謂責任。嘲英方時不時以守護者自居呢種行為，純粹完全係自作多情同癡心妄想。耿爽仲質問侯俊偉，香港在殖民地時期何曾有過民主？

耿爽串得好，香港早已回歸，但英國仲活在幻想中，英國憑咩插手香港事？你管好自己脫歐之事先啦！

原圖：大公報、Jeremy Hunt Facebook

http://www.takungpao.com.hk/news/232109/2019/0601/297506.html

https://www.facebook.com/jeremyhuntsws/photos/a.907210862759497/1146625785484669/?type=1&theater