多次粗口辱警嘅譚得志(快必)又出嚟搞事,今次仲話搞警察家人有理,甚至拎宗教出嚟講,實在離晒大譜。快必時不時就辱警,大家成日見,日前佢仲擺宗教上枱,一臉行惡不羞愧,話由基督教看禍不及家人,證滋擾警員及其家人「合法合情合理」喎,真係無恥到極。
快必於Facebook分享總警司指禍不及妻兒嘅新聞,留言大肆亂噏,指出埃及記同申命記都有講過,「恨我的、我必追討他的罪,自父及子,直到三四代;愛我守我誡命的,我必向他們發慈愛,直到千代」嘅說法,快必仲由此去硬扭出佢嘅歪理,指「追討他的罪,自父及子,直到三四代,就是禍必及家人!」最後更無恥到話起底、圍堵,繼續食腦抗爭,是「合法合情合理合(闔)府統請」。擺明有心掀起仇恨。
最可怕嘅係,快必嘅歪理一出竟然有網民被佢洗咗腦,甚至有網民指「唔止妻兒,打後三代都有事,舊約有講」。黃絲個腦入面到底裝咗啲咩?真係令人難以理解。
一句到尾,快必真係離晒大譜!
原圖:譚得志Facebook、無綫新聞截圖
投票已截止,多謝支持