黃友盲反《逃犯條例》修訂,更有暴徒向警方掟磚、掟鐵枝,警方果斷派速龍小隊鎮暴維持治安,但事後反對派發晒癲,係咁搵不同角度針對速龍小隊。其中反對派議員朱凱迪以及其助理岑敖暉昨日便向警務處長盧偉聰發律師信,要求一哥解釋於上周三(12日)出動的速龍小隊成員普遍冇展示警員編號嘅原因喎。
佢哋喺律師信中提出,有理由相信當時嘅速龍小隊係執行任務時,刻意唔喺制服上展示警員編號,令市民投訴無門,又謂此舉違反警例云云。其後佢哋仲威脅話,若今日下午4時半前都未收到正面回應,或者喺今日仲見到速龍小隊冇展示警員編號嘅話,就會向法院申請司法覆核。至截稿時,仍未清楚朱等人有何進一步行動。
朱凱廸等人針對警察針對到咁緊要,明眼人都知佢哋有咩目的啦!一句話:你撐邊個?
原圖:朱凱廸Facebook、星島日報
https://www.facebook.com/chuhoidick/photos/a.735604569838803/2078130935586153/?type=3&theater
http://std.stheadline.com/daily/article/detail/2022253-港聞-速龍隊員無編號+議員促解畫
投票已截止,多謝支持