使用者名稱
使用者電郵
密碼
確認密碼
年齡
性別
Generic placeholder image
想收到的資訊
  • 時事
  • 投資
  • 生活
喜歡的資訊
  • 編輯推介
  • 時事新聞
  • 博客
  • 投資
  • 趣味影片
  • 生活
教育水平
  • 小學
  • 中學
  • 大學
  • 碩士
  • 博士
常用的社交媒體
  • Facebook
  • 微博
  • WeChat
  • Whatsapp
  • Twitter
  • Line
  • Instagram
確認

我們會發送內含重設密碼連結的通知信給您

確認

博客

讀者投稿為修例為中國平反:
清醒吧!香港人!

2019.06.19 22:40 博客 讀者投稿

親愛的新聞工作者,你好,sorry我知道我好唐突,但我只係想將我心中的想法講畀更多人聽,我發過無數封郵件給各大媒體,但都有如石沉大海,我有好多說話,想大聲講,但現時的社會氛圍下,身邊的同事,朋友,都被不實的報道,造謠沖昏了頭腦,我就像是一個怪物,一個不合群的怪物,難道不願意與他們一起反修例反中是一種罪嗎?我只希望有渠道能夠將我的心聲傳播出去,讓香港民眾清醒一點。

標題:言論自由,不是政治綁架的藉口

我是一個普通的香港市民,不是什麼藍絲,黃絲。或許在此之前的我,只是一個普通小女人,對於我來講,家庭和睦,婚姻美滿已經好滿足。對於政治立場,只要自己心中有數,也從不願與人爭論對與錯,因為香港係一個言論自由嘅城市,我們不應該以自己的政治立場去凌駕任何一個人的政治立場,也不應該以不正當的方式去遊說,蒙騙他人,以求改變他人的政治立場,何必去影響別人呢?

但經過這次的612事件,令我感到作為一個香港人,真係有責任站出來發聲,維護自己的家園。香港已經變左了。只至到今日,那些做錯事的人,還在自欺欺人,做咗就係做咗了,錯就係錯了,那些做了錯事的人,還在埋怨社會,埋怨政府,埋怨所有唔認同他們的人,全世界都有錯,只有他們是對的。所以香港的小朋友今日又學識多一樣嘢,做錯事,只要打死唔認,出來遊行示威,就可以逼到政府妥協。

帶著個小朋友上街遊行的那位爸爸,你的良心不會痛嗎?

你的良心不會痛嗎?

我看到連登網,有人利用群發功能不停share反中謠言製成的長輩圖給香港老人家,甚至發給自己屋企的老人家,還沾沾自喜,大讚長輩圖真係有用。

「幫廢老真係睇得津津有味」

「啲廢老真係蠢㗎喎唔係扮嫁喎⋯⋯」

「瘋狂sd畀廢老雙親,逼佢哋睇 」

我竟然‪一時‬無法子搵到詞語可以形容佢地嘅行為。

我始終理解唔到為什麼那些人要這樣憎恨內地,他們不願承認自己係中國人,但事實係,無論你是否承認,香港已經回歸20幾年,你已經做咗中國人20幾年,你可以唔承認,但請你記住,你是‪中國香港特別行政區‬的居民,你享受的是中國‪香港特別行政區‬的法律權利。

或許你會反駁,一國兩制,內地是內地,香港是香港,我們是不同的。對!一國兩制,先有一國然後才是兩制,中國一早就已經表明了對香港的態度,一國才是大前提,之後才有兩制,請不要忘記了,香港基本法第一條就是:「‪香港特別行政區‬是中華人民共和國不可分離的部分」。最重要的是,在1997香港宣布回歸的那一刻,所有的香港人就已經是中國的一份子,我們每一個人,除咗是香港居民之外,還有一個身分就是中華人民共和國公民!享有一切公民享有的基本權益!

《憲法》第三十三條明例:「凡具有中華人民共和國國籍的人都是中華人民共和國公民。中華人民共和國公民在法律面前一律平等。國家尊重和保障人權。任何公民享有憲法和法律規定的權利,同時必須履行憲法和法律規定的義務。」第三十五條:「中華人民共和國公民有言論、出版、集會、結社、遊行、示威的自由。」第三十七條:「中華人民共和國公民的人身自由不受侵犯。任何公民,非經人民檢察院批准或者決定或者人民法院決定,並由公安機關執行,不受逮捕。禁止非法拘禁和以其他方法非法剝奪或者限制公民的人身自由,禁止非法搜查公民的身體。」

香港有言論自由嗎?

那些造謠中國司法制度落後,不能做到公平執法的人,我只能說,其心可誅。在中國,或許某些落後的城市還存在一些不公平現象,但近幾年也是飛速發展,制裁貪官,懲治逃稅現象,清掃黃賭毒,法制逐漸完善,更何況,香港修訂的逃犯條例也是針對內地最高人民法院,即北京最高人民法院,才有資格來港提犯,如果大家都奉公守法,不去殺人放火,走私販毒,恐怕都幾難被引渡。但是,修訂法例填補法律漏洞這樣一個原本很好的事情,卻被有心人刻意抹黑,不但惡意中傷支持法例的人,還要蠱惑群眾發起反修例運動。高舉捍衛民主自由,捍衛言論自由的虛偽旗幟。

今日的香港真的還有言論自由嗎?講大話顛倒是非黑白,歪曲事實就是言論自由嗎?編造莫須有的事情,抹黑政府的政策,抹黑,侮辱警務人員,就是你們所謂的言論自由嗎?

「《逃犯條例》修訂一過以後就冇得去旅行、冇得上IG……睇演唱會要過X光查身份證掃人面識別系統……到時股跌樓跌Sogo一田都冇埋……藏《聖經》唱聖詩都會被拉返大陸……香港人犯咗雞毛蒜皮嘅法都會被大陸判無期徒刑,仲要唔經香港大陸直接拉⋯⋯」

明知唔係事實都信?

如此不成熟,甚至漏洞百出的說話!作為一個成年人,咁都睇唔出問題咩?其實係唔想去睇就真。大部分人都係自欺欺人,我係唔會相信,一個心智健全,有思維嘅成年人連真假虛實都分不清,更何況仲有一些是接受過高等教育的學生。佢哋真係睇唔出係假話嗎?

事實係佢哋根本心裡面都知道這些都係迷惑人心的煙霧,但明知唔係事實為何仲要信?因為佢哋驚!因為對內地嘅唔信任,而最重要的,是泛民政黨的意願也出來煽動群眾反條例,立法會議員是民眾選舉出來的,他們打著為香港市民爭取民主的幌子,站在硝煙之外搖旗吶喊,反對惡法!然後市民會想「連政府都唔相信中央,我哋小市民如何都中央鬥啊」、「連政府話中國嘅法律唔公平,萬一真係通過咗條法例,我哋仲邊有好日子過啊?」……

大家看清楚了嗎?這場鬥爭,不是民主鬥爭,不是為了什麼社會公義,也不是為香港人出聲,這場暴動的實質,是反中,而不是反修例,是反中國,反共產黨,反對一國兩制!這就是一場政治綁架!一場以維護港人公益,以維護人權為幌子的政治綁架!

可能有人會說,香港是言論自由的,政府要接受唔同的聲音,要接納民眾的意見。但大家是否忽略咗,言論自由的大前提?

政府修例初衷為何?

所謂言論自由(Freedom of Speech),幾係公民按照自己的意願自由地發表言論以及與聽取他人陳述意見的基本權利,但要保證被議人員的人身權利和人格尊嚴。那麼請問,當你們面對與你們政治立場唔同的人的時候,有否尊重過他人的人身權利和人格尊嚴呢?支持修例的香港人被稱為「奶共廢老」、「港豬」,行政長官被稱為「柒婆」,遊行時製作行政長官頭破血流的侮辱性公仔,唔滿意唔同聲音就爆粗,人身攻擊,這就是你們口口聲聲要維護的社會公義嗎?反黑為白,明明手持鐵棍,轉頭,卻要聲稱自己是手無寸鐵的學生?無辜的市民?是,確實有一部分示威者是手無寸鐵的,他們站在衝突者後面,站在衝突的後方,為衝突者加油打氣,眼睜睜看著一班年輕人,與警察正面衝突,看著一班年輕人,用鐵棍,轉頭,攻擊警員,掉鐵馬!逼迫政府收回暴動二字,點解咁堅持要收回暴動二字?因為佢哋驚!暴動,係要受法律制裁的!我不禁想起一句說話「又要威,又要帶頭盔」。

香港,曾經是一個多麼美好的城市,被國際譽為世界安全城市,但如今的香港,動盪不安,人人自危,大部分人都不敢出聲,驚被人「杯葛」甚至被人恐嚇,毆打!執法人員被起底,家人父母,妻子,小孩的照片被悉數公布在網路。支持修例的人被辱罵,恐嚇,惡意中傷。這就是民主派為你們爭取的民主,這就是你們所謂的言論自由。

你哋係咪忘記咗,政府修例的初衷是為何?你哋仲記唔記得,有一個可憐的女仔無辜喪命而兇手即將逍遙法外,試想下,如果人人仿傚,在香港以外的台灣,內地,殺人放火然後潛逃回港,香港豈不是變成逃犯天堂,港人日日與犯同行?

清醒吧!香港人!

作者:黎小欣––26歲女;職業為平面設計designer;大專學歷

原圖:無綫新聞截圖

投票已截止,多謝支持

發表意見

排列方式:
Allen Wong
哈哈筆者原來唔知條例過左台灣都唔會收個犯,唔該唔好再搵台灣做藉口 而且唔係個個都好似你咁26歲有能力結婚,就咁睇你已經富有過大部分人,阻到你離地生活真係唔好意思
20190702
KY
同埋而家嘅大陸已經同以前唔同。慢慢進步緊。全部都要時間。全中國幾億人,你唔係諗住人哋幾年改好?你呀有啲壞習慣都要時間改啦。你1個人咋喎,成個中國幾億人。你要佢完全改好一定要老個輩全部過身先得,因佢哋學嘅嘢係舊式。你呀如果個仔或個女有啲壞習慣都要改幾年啦。都係個句喇,你1個人咋喎,成個中國幾億人,係需要好多時間,你要佢完全改好一定要老個輩全部過身先得
6天前
KY
@cherry wong. 你不如先去了解清楚條例。唔好就咁望住條例title 就當自己了解咗條例嘅內容。係啲反對派同其他人係度加鹽加醋,令到大家信以為真。以為真係好恐怖。根本唔係。想當初真係好應該成功通過基本法23條,等啲出賣香港嘅人同反對派唔好成日係度搞破壞。如果條例係咁恐怖,講到中國咁恐怖,你不如解釋下點解咁多人&外國人咁鍾意去大陸做生意?多過係香港勁多。請解釋一下。點解咁多台灣人,香港人,韓國人,同其他外國人等等咁鍾意去果度讀大學?你竟然咁講,難道佢哋唔怕會俾人捉咗去?難道佢哋係超人咩都唔怕?總之搵到錢就得,就可以去一個咁"危險"嘅國家生活工作?難道讀書大晒,俾人捉咗去坐監無問題?讀書大過天? 你唔好忘記,年輕人就係好容易畀人煽動。除非佢識認真用個腦思考,識去求證。當一大班人都以為係真,周圍係度講,都係非常之容易影響到佢身邊嘅朋友。仲有某一部分嘅家長同長者其實唔多唔少都係因為啲年輕人帶咗啲假信息比佢哋,令到連佢哋都以為係咁。通常家長,長者某啲嘢係會相信佢哋嘅子女孫。因為呢樣嘢信起上來其實冇傷害。 仲有依家嘅民主派,已經唔似得以前咁。依家個啲其實只會任何嘢,關於中國佢都反。無理由嘅都反,總之關中國嘅嘢就返 其實根本大部份人係無了解到條例>> https://www.silentmajority.hk/articles/1002836?fbclid=IwAR1O86in4N8y_kW8M5rKACX6_SkG8r0FpUDh1qRLh_I86vjMCHCugcnP5K0。
6天前
Cherry Wong
有時間我係網度見到無知嘅香港人,好想解釋比佢地知道事實嘅真相...但我已經唔想再打字去講了....因為太多無知嘅香港...亦有很多貪錢,或貪小便宜嘅人去比建制派利用...清醒啦香港人...希望你們利用一些時間去了解以下3段影片...希望能解答到你心中對反送中嘅香港人誤解. https://youtu.be/UF8embKa86g https://youtu.be/l3Fq_HKwqkg https://youtu.be/az50xcha-GU 請未了解嘅香港人清醒啲啦. 其實我地應該慚愧先啱...學生點解要咁做,其實佢地開始放暑假去玩唔好...年青人點解要咁做,其實佢地係屋企涼冷氣,打機,食飯,識下女仔唔好...就係我地唔夠勇敢,冇為下一代發聲。
6天前
KY
我都係一個快24歲嘅年輕人。佢哋班人簡直係影衰哂香港嘅年輕人。令到大家嘅目光都會以為香港嘅年輕人係咁。。。我行出街都怕比人以為我同佢哋一樣。怕了穿黑衫。雖然我算係支持,但如果條例係唔通過其實都冇辦法。但換轉在死者和她家屬的角度諗我會係感到失望亦都同情。因我會想像到如果換轉係發生在我家人身上,而兇手逍遙法外我一定會感到非常憤怒。我雖然係外國出生,父母都係土生土長香港人。但我哋都知道自己係中國人。中國根本唔係咁。又係比班人係度亂吹。 我認為他們可以唔同人講他係中國人,但絕不能唔承認,並且討厭。。。
20190622
KY
我都係一個快24歲嘅年輕人。佢哋班人簡直係影衰哂香港嘅年輕人。令到大家嘅目光都會以為香港嘅年輕人係咁。。。我行出街都怕比人以為我同佢哋一樣。怕了穿黑衫。雖然我算係支持,但如果條例係唔通過其實都冇辦法。但換轉在死者和她家屬的角度諗我會係感到失望亦都同情。因我會想像到如果換轉係發生在我家人身上,而兇手逍遙法外我一定會感到非常憤怒。我雖然係外國出生,父母都係土生土長香港人。但我哋都知道自己係中國人。黎小姐,我十分同意你講既野。佢哋都將成件事化大,根本就唔係咁。根本冇認真細讀了解逃犯條例,一味望住嗰四個字就下定論。搞到全世界都好似以為係咁恐怖。如果係咁恐怖唔會在中國做生意嘅人比香港多好多。成班人係度幫外國打擊自己嘅國家同香港。咁做對自己仲有其餘嘅所有香港市民一啲好處都無。啲反對派議員整日淨係識係度反對,煽動。講到自己為香港好。到頭來其實係度害緊香港。佢口中所講嘅"愛香港" 其實只不過係一個大話,掛在嘴邊的大謊言。成班人讀咁多書原來系唔識用個腦思考,淨係識一味跟隨。部分身為教育人士,神職人員竟然係度煽動。示威者,年輕人,俾人扇動利用都唔知。成班人成日話討厭中國我完全唔明。我相信如果香港同中國連成一線一定勝過好多其他國家。絕對不能接受自己人打自己人。
20190622
KY
黎小姐,我十分同意你講既野。佢哋都將成件事化大,根本就唔係咁。根本冇認真細讀了解逃犯條例,一味望住嗰四個字就下定論。搞到全世界都好似以為係咁恐怖。如果係咁恐怖唔會在中國做生意嘅人比香港多好多。成班人係度幫外國打擊自己嘅國家同香港。咁做對自己仲有其餘嘅所有香港市民一啲好處都無。啲反對派議員整日淨係識係度反對,煽動。講到自己為香港好。到頭來其實係度害緊香港。佢口中所講嘅"愛香港" 其實只不過係一個大話,掛在嘴邊的大謊言。成班人讀咁多書原來系唔識用個腦思考,淨係識一味跟隨。部分身為教育人士,神職人員竟然係度煽動。示威者,年輕人,俾人扇動利用都唔知。成班人成日話討厭中國我完全唔明。我相信如果香港同中國連成一線一定勝過好多其他國家。絕對不能接受自己人打自己人。幫外國勢力打倒中國,外國勢力成功後香港可能會成為淪陷城市。並且到時候外國亦不會幫香港。如非有中國,香港經濟應該好差。
20190622
Eddie Gor
大家喺度斷送緊民主同自由,全世界在看花生騷,人哋外媒講两句,我哋又內哄。畀萬零個暴力示威者加示威者隔住,後面嘅遊行人示,根本感受唔到警方被四方八面衝擊時嘅壓力同震撼,所以喺立法會200米半徑以外嘅市民,當然可以話遊行係和平,遊行人士手無寸鐵,但我敢100%講句,走大在最前排嘅,絶大部份早有「揾着數」嘅預謀!我好朋友去咗619遊行返嚟,同我講佢出嚟遊行嘅其中一個原因係:點解逃犯要送去中國中陸????你睇!?有幾誤導!
20190621
Eddie Gor
我以為所有 designer 都矇晒眼,塞晒耳,衝晒上街受人擺弄㖭,原來重有人同我一樣,知道修例結果,唔係淨係將逃犯送去大陸,係需要逃犯源地最高法律機闗提出要求及證據。。。 台灣,難度無向過港府一要人嗎!?移交逃犯到台灣,都叫送中嗎!?醒下啦民主控!我哋嘅自由,已經畀人攞晒嚟謀緊私利喇。。。
20190621
lamirenesnoopy
HKG 有冇考慮収集另外一批支持修例的聲音?
20190621
lamirenesnoopy
我贊同,講得好 👍👍
20190621
lamirenesnoopy
我贊同,講得好 👍👍
20190621
Eddie Mak
唔講其他 只講"潘曉穎案件" 那個"初衷" 台灣士林地檢於2018年3月及4月兩度向香港政府提出司法互助請求,但未獲任何音訊 2018年3月大律師公會提出幾個現有法制可引渡犯人的方案 政府全部否決 2018年7月,士林地檢再度致函香港,告知掌握證據或情報,表達香港若提出司法互助請求,台灣將給予協助,仍未獲回應 至2018年12 月 3 日,士林地檢署正式通緝陳同佳,都是未獲回應 而林鄭修訂《逃犯條例》 台灣就此已多次表明,不接受港府透過修例移交陳同佳到當地,足以証明《逃犯條例》 根本不能幫助到"潘曉穎案件" 而現有法制單次移交可以引渡犯人, 還有很多方法可行 但全部被林鄭否決 明顯政府擱置案件一年 條例對案件冇幫助 仲會令台灣唔接受犯人 但政府又多次拿案件做故事 明顯唔系為案件 初衷呢? 明顯全部動作為送中可通過 為政治 搞完一大輪 不成功後就厚面皮地說特區政府已盡力?咁都得?
20190621
Jo Kwok
絕對同意,講得好👍👍👍
20190621
Yeh Wai Ki
首先,支持言論自由,支持作者有勇氣的良心發言。👍文中有:「確實有一部分示威者是手無寸鐵的,他們站在衝突者後面,站在衝突的後方,為衝突者加油打氣,眼睜睜看著一班年輕人,與警察正面衝突,看著一班年輕人,用鐵棍,轉頭,攻擊警員,掉鐵馬!」 請記住: 6 月 12 日暴動發生前,確實有百多人在前面扮和警方「談判」、「勸告」,到下午三時,暴徒拿鐵枝、磚頭、鐵馬襲擊警方,那班所謂手無寸鐵的和平示威人士,站在大後方,不停唱聖詩宗教歌曲,掩飾前方示威者的暴行,幫他們打氣。 他們的做法,簡直侮辱神靈,如果他們唱聖詩歌頌的神「真的存在」,早就顯靈用雷電劈他們了。
20190621
[email protected]
作者列舉了很多反修例人士愚昧, 惹人反感的行為. 反修例人士當中,尤其是較年青的, 確實有一些衝動魯莽的人, 但這是反修例人士當中的極少數, 請大家見諒. 對內地的不信任, 確實是關鍵. 單看憲法第三十五條:「中華人民共和國公民有言論、出版、集會、結社、遊行、示威的自由。」就看出內地的法律如何被政治凌駕. 先說言論自由, 在內地網上發表言論, 隨時惹來公安上門捉拿. 至於出版自由, 就連古裝劇, 穿越劇, 宮鬥劇也禁播, 銅鑼灣書店事件就更不用說. 信任是要贏取的, 很抱歉, 我未能信任內地.
20190621
Po Yu Tsoi
唔讲六四,文革。但呢几年,中共嘅惡行,唔系冇㗎。仲点去相信呢?等佢完全发展咗先好讲啦。一个国家当然有设定法例,条例,领导跟唔跟从系另一回事,受唔受法律制裁又系另一回事。
20190621
Peter Kwan
支持中國和平統一。反對外國勢力分裂中華。
20190621
Mun Ping Lee
说得好,香港人醒吧。不要被奸人利用。
20190620
Joe Fung
好 好 。
20190620
方世玉
說得很好,全中!給妳一個讚! 我從來都說,愛搞事而又無腦的大學生只係佔一小部份,大部份嘅都係有良知而又潔身自愛的!!!
20190620
wschau
"年青人不是暴徒,學生不是暴徒"-----荒謬---年青人及學生為何不能是暴徒? 伊斯蘭國及當年紅衛兵不少都是年青人,學生, 年青人,學生特質就是衝動更容易被煽動,犯錯
20190620
wschau
"年青人不是暴徒,學生不是暴徒"-----荒謬---年青人及學生為何不能是暴徒? 伊斯蘭國及當年紅衛兵不少都是年青人,學生, 年青人,學生特質就是衝動更容易被煽動,犯錯
20190620
wschau
不少香港家長愛子女心切, 正中年青暴徒之苦肉計, 變成鬼揞眼發雞盲😎睇唔清事實, 感情遮蓋理智😵, 混淆黑白是非🤥
20190620
wschau
深表認同👏, 黃絲恐怖下敢於吐露真情🤩,勇氣可嘉👍-----正所謂撩人者賤, 整件事明顯是暴徒👺挑釁警察, 起初用言語粗口爛舌🤬, 跟住就拋擲水樽垃圾, 兇神惡煞👹不斷衝擊警察防線, 警察最後才被迫出手, 誰是衝突暴動始作俑者, 根本非常清楚, 毫無疑問是有組織有準備, 仔細分工的暴徒👿所作所為, 仔細分為巨盾兵,通訊兵, 補給兵, 攻擊兵,救護兵, 如同香港紅衛兵, 比當年文革更有組織, 黃屍暴徒之恐怖😱🥵可見一斑-------是警民衝突始作俑者, 黃屍暴徒🧟‍♂️🧟‍♀️要對後果負全責, 遺臭萬年💩
20190620
Candy Au
講出我的心聲, 好感動香港還有些懂分析的年青人.
20190620
Sze Wan Ho
支持黎小姐,同意黎小姐講的,十分有道理,講出香港6百萬人的心聲。
20190620
Angel Fok
同意,講得好,有道理,講出我的心聲
20190620
Andy Ching
老實講,成件事好明顯係有精心策劃,並唔係單纯嘅市民心聲,佢地精心包装年青人,模糊成件事嘅焦點,獻花俾失足嘅示威者就表現香港最善良嘅一面,幫枉死嘅女仔發聲就係"消費",由此可見佢地只有:嘅立場,而佢地"自由"嘅定義就係容許佢地為所欲為,香港、只剩悲哀
20190620
Seven Chow
香港需要你這種敢言的人,現今社會就是缺小了敢發聲的人才變成這樣。。。
20190620
Kenneth Kwok
由議會暴力開始伸延到街上,不斷用暴力去破壞,一開始已經唔想討論,為反對而反對。
20190620
Jerry Chau
呢班不知所謂的民主派,根本就係「逢中必反」,什麼「反送中」只係藉口,只係唔明白現今某些家長都唔知點教仔女,「什麼第日你地唔會孤單出黎,媽媽會陪同一齊出」,難道警察就無母親和家人,警察就要被長尖鐵枝桶、被磚頭掟,還有在港鐵搞事阻人返工等等,呢D就係佢地口口聲聲的民主,香港現在就係被呢班人搞到亂哂,唉!
20190620
Richard Lo
廿六歲女就識得咁諗,比那些犯民議员更成熟啊!
20190620
Lights Salem
基本上幕後黑手係想香港死!
20190620
Kam Wah Chow
完全同意説法,昨天陳茂波都在記者會一針見血説出心底話,不知香港嗰D盲塞人是否聽到。波哥好嘢
20190620