作為香港人，我沒有免於恐懼的言論自由

我討厭啲人日嘈夜嘈；
我討厭網上不停散佈危言聳聽的言論；
我討厭人不停散播仇恨言論；
我討厭啲人咁膚淺被利用作中美兩國開戰的磨心；
我討厭啲人賊喊捉賊，先動武然後話警察暴力……

我唔可以在網上傳播警察被打的片段；
我唔可以指出網上瘋傳圖片是虛假訊息；
我唔可以公開講我覺得香港人被人洗晒腦；
我唔可以公開講我其實覺得大陸幾好；
我唔可以在公眾場所或朋友聚會講我真心話；

因為，如果我咁講，我會被網民公審；
因為，如果我咁講，我會被起底；
因為，如果我咁講，我屋企人朋友都會被起底；
因為，如果我咁講，我同屋企人朋友被起底後，我哋做乜都會比人翻舊賬，話我哋係五毛黨。

究竟，香港依家邊有言論自由？
依家同文化大革命有乜分別？
有分別，今次係外國人搞。
不費一兵一卒，用番老方法搞到你自己人打自己人，搞掂你！
中國人，最易搞，因為佢哋最鍾意自己人打自己人。

我想移民，因為班搞政治嘅人令我討厭咗香港，
我討厭活在戰場中，我討厭我成長嘅地方變成咁！

#我有我看法但我不能講
#我係土生土長香港人唔係五毛黨
#我沒有免於恐懼的言論自由

原圖：無綫新聞截圖