網上流傳一張非常趣怪嘅菜譜，隻隻字都識，但一合埋一齊就未必明到底會係啲咩菜喎！一班於喇沙書院畢業嘅舊生，近日搞咗個「40年重聚」，揀咗去千禧新世界香港酒店飯聚，其菜譜堅係搞笑又新奇。

只見菜單寫住「登六小碟」，應是自嘲成班老友已經「登六」，內裡包括「當年皮薄卜卜脆，今朝壯大噹噹紅、混球摸蜆老襯旺、豬手攪事借酒咸、青嫩素油爽歪歪、老茄嘔泡軟腍腍」，非常應景。其他菜式包括有「老鴨摸瓜流口水」、「白皮攬炒細細兜」、「上床攪硬你老友」、「鄒生剝光豬桑拿」等等，大家又估唔估到究竟係咩菜式呢？

桑拿原來係清蒸

睇返張正常菜譜，先知原來「登六小碟」原來係「桃里六小碟」，而「老鴨摸瓜流口水」其實係「陳皮冬瓜薏燉老鴨湯」、「白皮攬炒細細兜」係「百芹百合炒帶子迷你象拔蚌」、「上床攪硬你老友」係「懷舊蝦多士伴鮮柚子沙律」，而「鄒生剝光豬桑拿」原來係「清蒸東星斑」。

小編表示「真係好難估呀」！XD

原圖：網絡圖片