反對派亂咁抹黑《逃犯條例》修訂,加上又叫晒美爹英媽出口,搞到少部分唔知情嘅市民被其嚇窒,誤以為《逃犯條例》修訂好有問題。近日仲離譜,多間學校被黃友以校友名義騎劫,發起所謂反對修訂《逃犯條例》嘅聯署,相當多人因此被騎劫。其中聲稱是漢華中學學生、校友、教職員發起的聯署,連人名都唔騷,只係顯示聯署人數,美其名為避免被「揪(秋)後算帳」喎。咁都得?著名專欄作家屈穎妍頂佢唔順,向HKG報表示,「你寫一億都得啦」。堅係串得應!
漢華中學學生、校友、教職員近日發起聯署反對《逃犯條例》修訂,其網頁上寫道:「為保障所有已經簽署既(嘅)在校學生不會被學校揪(秋)後算賬,本聯署只會顯示聯署人數,而不會顯示人名。所有人名將會保密!」反修訂《逃犯條例》都算了,還指校方可能「揪(秋)後算賬」,真係乜都佢講晒。難怪屈穎妍咁不滿,表示「淨係得個數,你寫一億都得啦」。
這場試圖綁架全港學校、學生的所謂聯署,鬧出的醜事不可謂不少,真確性頗成疑問。為咗盲反修訂《逃犯條例》,黃友仲可以搞出多少鬧劇?市民「拭目以待」。
原圖:HKG報
投票已截止,多謝支持