梁志祥佛都有火，左右開弓轟炸泛民！內會今午討論修訂《逃犯條例》的「恩恩怨怨」，早前「香港瓜伊多」涂謹申借主持會議拉布，累法案委員會選唔出主席，「慢必」陳志全蠻番上身，將所有責任推晒喺建制派身上。同場的建制派立會議員梁志祥睇唔過睇強力反駁，仲兜口兜面質問泛民「係咪收咗人錢」？真係問大家心中所想。

火力全開轟慢必

梁志祥堅係有火，狠狠指出涂謹申做主持選不出主席，但陳志全捩橫折曲。此時毛婆突然做架樑提出規程問題，話梁志祥「我認為佢點名陳志全，你係絕對冒犯」。

如此膠話，梗係畀內會主席李慧琼即Ban，梁志祥更用極不屑的語氣回敬毛婆：「唔通你覺得唔係事實咩，毛．孟．靜」，「剛才佢（慢必）啱啱講完喳嘛，咁都唔記得…使唔使睇帶呀」。

毛婆插口阻發言

梁志祥質疑，慢必是想掩飾、包庇涂謹申的錯誤，推諉責任予建制派。但講講吓，議霸毛婆又高聲阻住晒，梁志祥嬲爆罵曰：「你畀唔畀我講嘢呀？毛孟靜，我講嘢妳喺度嘈住晒。」

隨後，梁志祥再質疑，「我真係想問吓，反對派係咪有人收咗錢？」講到此處，成班泛民發爛渣起哄。對於這種問題，泛民當然唔敢答，林卓廷聲大大但弱弱地反駁，話梁的說法「非常之嚴重嘅無理攻擊」，叫梁拿不出證據便收回，並話「唔好講埋晒呢啲廢話」云云。

林卓廷乏力還擊

「反對派係咪有人收咗錢？」真係好多市民心目中嘅疑問。反對派們，你敢答嗎？

原圖：立法會片段截圖