隨住愈來愈多人恥與《蘋果日報》為伍，壹傳媒真係幾濕滯。有傳媒報道，有傳壹仔老細黎智英有意再賣台灣豪宅，傳媒仲幫佢埋單計數，話佢由去年底至今短短幾個月，已度出售台灣資產，睇嚟黎智英都幾等錢用喎。

台媒指，黎欲出售之豪宅位處台北市，開價約1.07億港元。據《東網》報道，黎於今年3月底，已以約5.6億港元，出售他私人持有的兩幢辦公大樓。早前壹傳媒亦已賣出在高雄市的地皮，套現約7,890萬港元。而去年11月，壹傳媒名下的兩幢大樓亦以約4.54億港元售出。簡意言之，短短半年，黎智英四賣家產。

半年內四賣家產

《東網》引述中民證券（香港）研究部董事黃偉豪早前分析，指黎智英賣產勢令其在當地業務順勢收縮。黃亦認為，壹傳媒虧損多年，只會再走下坡。

《蘋果》心腸有幾好，可謂人人都知，仲養埋李怡呢啲冷血文痞，被人唾棄本是應該。而家黎智英不斷賣產，唔通正正應了李怡那句「報應」？

原圖：大公報

http://news.takungpao.com/hkol/jsxw/2016-01/3274272_wap.html