自仆趴街搞到要入院嘅范國威,昨日神智不清難以說話(請按此重溫),今日卻忽然出得院(請按此重溫),而佢出院嘅第一件事,居然係喺Facebook嘈住話聽日要去報警,跟進自己被「暴力對待」嘅事件喎,好心佢抖多陣啦!身子要緊呀!
范國威好彩冇事出得院,當然要開香檳慶祝,但佢應該更慶幸佢有一班好黨友,因為昨日范仍未清醒之際,新民主同盟成員已發聲明稱要「讉責暴力」,但范班黨友唔知係咪因為戴住黃色眼鏡睇嘢,所以視力有啲問題,居然話「建制派議員及保安刻意推撞拉扯」,令他由兩米高處墮地(佢知唔知兩米有幾高...),更稱會在范康復後報警,最後更稱建制派「搗亂議會程序」、「政府及建制派要負上全部責任」云云,嘩!惡人就見到多,咁無恥地告狀嘅惡人就少見!
其實有睇片段都會知,係范國威以為自己年紀仲細,唔顧安全爬到咁高,一個唔小心自己仆親(請按此重溫),不過其實又唔難明嘅,自己趴街咁肉酸梗唔會認啦,話人拉跌自己,好落台之餘又可以攞光環!大家又有冇嘢想同佢講?請留言表態!
原圖:大公報、無綫新聞截圖、范國威Facebook
http://www.takungpao.com.hk/hongkong/text/2016/0715/9298.html
https://www.facebook.com/124853124283126/photos/rpp.124853124283126/1842295222538899/?type=3&theater
投票已截止,多謝支持