以葉建源為首，實為「黃友關注組」嘅所謂「港大校友關注組」，上月30日擅自代表港大校友，發起集資登報發聲明，以向港大校方施壓，阻撓其革除佔中罪犯戴耀廷嘅教職。「關注組」今日表示終於乞夠錢，籌得超過22萬元，當中約9萬元將用作支持戴耀廷嘅廣告費之用。

「關注組」指戴耀廷已就定罪同刑期申請上訴，故登廣告向港大校方施壓，指喺法律程序終結前唔應該啟動任何終止戴妖教席嘅程序云云。其實港大都仲未就此事出聲，黃友做乜率先著急？

指戴妖已申請上訴

小編靈光一閃，唔使屈指一算，都知22萬減9萬，應該有差唔多13萬剩吖，呢筆錢又會去咗邊？原來，剩餘「善款」將會撥入黃友專用嘅「守護公義基金」，戴耀廷坐一坐監，就為基金帶嚟13萬元進帳！

話說同案罪犯邵家臻同樣面臨被浸大褫奪教職嘅風險，唔知到時又會唔會有「XX關注組」彈出嚟籌款，為「基金」出一分力呢？

原圖：HKG報、無綫新聞截圖