反對派「非法集會」，擅封涂謹申為「主席」，你以為佢哋玩夠？點知依家連「假傳聖旨」呢招都出埋，真係愈玩愈有（請按此重溫）！據《東網》引述建制議員透露，有助理近日收到疑似修訂《逃犯條例》法案委員會嘅「開會通知」，差啲「中伏」誤以為真，再睇真啲，原來郵件由涂謹申所發，乜「主席」咁大整蠱啊！
據《東網》報道，涂謹申所發嘅山寨「通知」可以話係高仿A貨，同立法會文件幾乎一模一樣，除咗有文件編號，仲設埋中英文版本，真係好鬼細心。文件附有周六「議程」，並詢問委員會成員會否出席「會議」。有建制議員向《東網》透露，其助理差啲以為「通知」來自真主持石禮謙，有建制議員質疑涂謹申咁玩法分分鐘涉及偽造虛假文書，倡報警處理。
《文匯報》引述民建聯議員陳恒鑌指，私自發出「文件」嘅做法非常嚴重，為免開壞先例，有關行為絕對不能姑息，在聆聽法律意見後，會採取適當行動。
偽造文書呢個指控可大可小，再畀反對派玩落去，立法會真係唔得掂，大家支唔支持報警處理，终止呢場鬧劇先？
根據《刑事罪行條例》，任何人製造虛假文書，意圖由其本人或他人藉使用該文書而誘使另一人接受該文書為真文書，並因接受該文書為真文書而作出或不作某些作為，以致對該另一人或其他人不利，則該名首述的人即犯偽造的罪行，一經循公訴程序定罪，可處監禁14年。
原圖：Now新聞截圖
投票已截止，多謝支持
返回
