李柱銘近排好忙，呢頭去完加拿大，嗰頭又要仆去面聖美爹（請按此重溫），一把年紀只有一步之遙仲咁頻撲，無他嘅，都係想唱衰香港，抹黑《逃犯條例》修訂。

又乞外國干預香港

李柱銘帶埋成班喺香港政壇過晒氣好得閒嘅立法會前議員，包括李卓人、吳靄儀、羅冠聰，一連兩星期喺美加搞「反修例旅遊」，同當地官員、議員會面，話希望喚起國際社會對香港嘅關注喎，由前日開始到周三訪問加拿大，周四起到17日就會訪問美國，行程真係好豐富好開心呀！

李柱銘前日先靠嚇加拿大，話香港有30萬加拿大公民經商同居住，一旦通過修例，呢班人就會隨時被送返中國審訊云云，故希望渥太華政府發聲，向港府施壓。不過就算反對派向美加求援都冇用啦，香港事務幾時輪到外國勢力置喙，呢班友仔咁高調美加遊都係為咗做畀人睇啫，唔知衣食住行又邊個出錢呢？

原圖：HKG報、無綫新聞截圖