佔中案因公眾妨擾罪成，判囚8個月的黃浩銘，寫咗封獄中家書，由《蘋果日報》為他刊登全文。黃浩銘於信中大晒監獄美好生活，「監獄是必經之路，是通往自由和幸福的中轉路」，睇嚟佢都幾享受坐監生活喎，真係羨慕死出面啲黃友喇！

稱只向上帝負責

見到黃浩銘講到坐監咁幸福，入唔到去班黃友真係要打牆喇！不過雖然佢講到坐監好幸福咁，不過黃浩銘話鋒一轉，就話會積極考慮上訴，又話自己「我寧願天真幼稚，追求公義，都不願惟利是圖，埋沒良知」云云。對法官沒有評他為「品格良好」，黃浩銘就話佢嘅品格「可就公眾自由評斷」，他亦「只需向自己和上帝負責」，睇嚟佢平時應該都成日同朱牧師談心喇！

坐監坐得咁開心，大家記得寫信祝褔佢喇！順帶一提，黃浩銘話好關心《復仇者聯盟4：終局之戰》嘅劇情，人哋坐緊監，真係冇得睇好慘，大家記得寫埋畀佢睇，最好就盡量詳細啦！

原圖：HKG報