登登燈凳!萬眾期待嘅水炮車終於同大家見面喇,昨日保安局向立法會遞交嘅文件入面,附有水炮車外觀相片同詳細配置,預料最快7月1日服役,唔知到時候仲有冇人敢搞事呢?
據文件介紹,水炮車自帶廣播警告功能,兼有360度攝像鏡頭,如果真係有人夠膽搞事,「回帶」就一清二楚,無得抵賴!車身配置兩支水炮,而且仲可以噴催淚劑,絕對係鎮暴利器!
至於喺咩情況下先會出動水炮車?保安局表示,出現嚴重傷亡、財產被大肆破壞,又或者主要幹道被非法堵塞,即係好似當年「違法佔中」咁,警方都可能會部署水炮車,並會喺「開炮」前示警。保安局強調,警方出動水炮車只會針對暴力衝擊行為。
三部水炮車將於2019年下半年,即最快7月1日服役,希望到時唔會有搞事友「見識」水炮車威力啦,呵呵!
原圖:保安局文件、星島日報
投票已截止,多謝支持