香港夏天特別炎熱，大多人都會在室內「歎冷氣」。然而有一撮人卻不得不在室外工作，為的是那微薄薪金，例如傳單派遞員。

今次的主角是傳單派遞員阿娟。

「其實我哋自己都知唔係咁多人想接（傳單），但我收得老世錢，唔通企喺道咩都唔做？我都知呢行有啲阿姐拎完傳單，行去遠一遠丟咗佢，但我真係做唔出。」

從不期望打風假

阿娟說做任何事都要有責任，就算是派傳單這樣不起眼的工作，但要盡責。她還鑽研出一套派傳單的技巧，指若有人慢慢走來，兼有眼神接觸，那對方接下單張的機會便很高。

「雖然好多人都好冷面口，直行直過，完全當睇唔到，咁我又唔會怪佢哋，始終唔係人人都啱睇，但有時見到啲人會啤住我，真係唔好受㗎。」

派傳單的人工已由10年前時薪20元，升到現在60元。然而老闆不可能請人一天派足八九個小時，通常只是早上和黃昏人流多的數個小時，一整天斷斷續續只得200多元。

「做洗碗樓面係賺多啲，時薪低啲，但做得長啲，可以搵多啲錢嘅。但自己唔捱得，又唔後生，做唔嚟喇。」

她說四季中最討厭夏天。要不是熱得要命，就是落雨水浸。熱還好，只是流汗。但下雨卻會直接影響人流，使她被迫提早收工，颱風日子更是想也不用想。香港人大多喜愛打風，期望打風假，然後傳單派遞員卻是餐搵餐食，一打風就迫停工。

才多聊幾句，阿娟就說不能再說了，要專心派傳單，「收得人錢，人哋信任我，就要盡全責任呀」。

原圖：HKG報