笑話呢家嘢冇話舊唔舊，只有聽過與未聽過之分。近日網上流傳，北京新機場因地處武清、大興、廊坊三地交界，其如何命名，三地吵個不休，最終三地達成協議，一人取一個字，就叫「武大廊機場」！為免尷尬，機場會有北門、東門、南門，就係冇「西門」！

機場無「西門」免尷尬

嘩啋！唔知入面有冇「綠帽燒餅」賣呢？哈哈哈，笑歸笑，其實有關留言早在2014年已流出，但當局早就否認了。

順帶一提，對於機場個名，「禮賢機場」、「雄安國際機場」等等亦在候選之列（「武大廊機場」當然排除在外），直到上年9月先正式定名為「北京大興國際機場」。

以後大家去北京，不妨欣賞一下新機場嘅獨特設計啦！

原圖：網絡圖片